MODO RÚNINU XHIIÑAʼ DIOS
«Cada tobi de laatu naquiiñeʼ cuee ti ndaa bueltu»
Cadi ora si gueedasilú laanu nga gudiʼnu donación. Sínuque naquiiñeʼ guiaʼnu cueenu «ti ndaa bueltu», biaʼ zanda gudiʼnu, casi guníʼ apóstol Pablo (1Co 16:2). Pa gúninu ni la? zacanenu gaca adorar Jehová ne zabáninu nayecheʼ. Zándaca guiníʼ íquenu qué risaca biaʼ cudiʼnu, purtiʼ zándaca huaxiéʼ ni, peru galán gánnanu nabé rusisaca Jehová stipa ni rúninu para gusisácanu laabe né ca cosa risaca ni nápanu (Pr 3:9).
DESPUÉ DE GÚʼYALUʼ VIDEU NI LÁʼ XQUIXE PEʼ LAATU PUR RIBEETU TI NDAA BUELTU, ZANDA GUICÁBILUʼ CA PREGUNTA RIʼ:
¿Xiñee galán quíxhenu pabiáʼ donación gudiʼnu?
¿Xi huayuni chupa chonna hermanu para cadi guiaandaʼ laacaʼ cueecaʼ ti ndaa bueltu?