Zanda gúniluʼ xiixa para guibániluʼ nayecheʼ

Raca biaʼ 3,500 iza, gudxi Jehová ca binni ni runi adorar laa xi naquiiñeʼ gúnicaʼ para guibánicaʼ nayecheʼ: «Maʼ gudixheʼ guendanabani ne guendaguti nezalutu, ndaayaʼ ne guendananá. Ne napa xidé cuitu guendanabani ti cadi gátitu, laatu ne ca xiiñitu» (Deuteronomio 30:19).

Pa racalaʼdxiʼ ca binni que guibánicaʼ nayecheʼ naquiiñeʼ guicaacaʼ decisión galán ne ngaca nga ni naquiiñeʼ gúninu laanu tiempu riʼ. Lu Biblia riete xi zanda gúninu para guibáninu nayecheʼ: «Lagannaxhii Jehová Dios stitu, lagucaadiaga stídxibe» (Deuteronomio 30:20).

¿XIMODO ZANDA GANNAXHIILUʼ NE GUCAADIÁGALUʼ STIDXI JEHOVÁ YAʼ?

BIZIIDI XI NÁ BIBLIA. Para gannaxhiiluʼ Jehová, ni naquiiñeʼ gúniluʼ nga gánnaluʼ xi caníʼ Biblia de laabe ne ora gúniluʼ ni zudiiluʼ cuenta pabiáʼ nadxiibe lii ne racaláʼdxibe guibániluʼ galán. Laaca racaláʼdxibe guni orarluʼ laabe purtiʼ rizaaláʼdxibe lii (1 Pedro 5:7). Pa gúniluʼ stipa gunibiaʼluʼ laabe, Biblia ná laabe zadxíñabe gaxha de lii (Santiago 4:8).

BIʼNIʼ NI CAZIIDILUʼ. Para gucaadiágaluʼ Dios caquiiñeʼ chinándaluʼ ni gábibe lii ne zadxélaluʼ ni lu Biblia. Ora gúniluʼ ni la? «zieni lii galán lu guiráʼ ni gúniluʼ ne zahuinni nácaluʼ ti binni nuu xpiaaniʼ» (Josué 1:8).