¿Ñee caquiiñeʼ cheʼ ca xpinni Cristu lu guerra la? | ¿Xi caníʼ Biblia de laani?

Guerra ni cayaca Ucrania cusihuinni ni rucaa ca líder stiʼ ca religión binni guni apoyarcaʼ xquídxicaʼ. Guidúʼyanu ximodo cayuni apoyárcabe guerra riʼ:

• «Rusisácadu ne rudiʼdu xquixe peʼ ca soldadu ni cadinde para guni defender Ucrania, guidxi ra gúlecaʼ [...]. Cadi guiaandaʼ laatu, qué zusaana de guni apoyardu ne de guni orardu pur laatu» (metropolitano Epifanio I de Kiev, The Jerusalem Post, 16 de marzo de 2022).

• «Domingu gudiʼdiʼ que biʼniʼ líder stiʼ yuʼduʼ Ortodoxa Rusa ti mixaʼ para ca soldadu, ne gunábabe laacaʼ guni defendercaʼ xquídxicaʼ modo runi ti ruso ni. Laga nuu Rusia lu guerra ndaaniʼ guidxi Ucrania» (Reuters, 3 de abril de 2022).

¿Ñee naquiiñeʼ cheʼ ca xpinni Cristu lu guerra la? ¿Xi caníʼ Biblia de laani?

Ni cusiidiʼ Biblia

Biblia rusiidiʼ ca ni dxandíʼ xpinni Cristu qué riuucaʼ lu guerra.

• «Bidxiguetaʼ espada stiluʼ ra guleeluʼ laa, purtiʼ guiráʼ ni cuʼ náʼ espada, zatiné espada» (Mateo 26:52).

  ¿Ñee dxandíʼ zinanda ti binni ni guníʼ Jesús, pa rié lu guerra o runi apoyarbe ni la?

• «Cudieeʼ laatu ti mandamientu nacubi: gannaxhiisaatu, cásica huayannaxhieeʼ laatu, zacaca naquiiñeʼ gannaxhiisaatu. Sicaríʼ nga zanna binni nácatu discípulo stinneʼ: pa nadxiisaatu» (Juan 13:34, 35).

  Pa ti binni runi apoyar guerra, ¿ñee cusihuínnibe guendarannaxhii ni guníʼ Jesús zusihuinni ca ni dxandíʼ xpinni la?

Pa racaláʼdxiluʼ gánnaluʼ jma biindaʼ artículo ni láʼ «El cristianismo y la guerra: ¿son compatibles?».

Ximodo ruuyaʼ ca xpinni Cristu guerra tiempu riʼ

¿Ñee dxandíʼ zanda guni crenu qué riuu ca xpinni Cristu lu guerra la? Dxandíʼ pue. Maca guníʼ Biblia lu ca «últimu dxi» ni nabáninu riʼ ziuu binni de guiráʼ guidxi ni «maʼ qué zaziidicaʼ tíndecaʼ para checaʼ lu guerra», casi peʼ modo bisiidiʼ Jesús (Isaías 2:2, 4, nota).

• Pa racaláʼdxiluʼ gánnaluʼ jma biindaʼ ca artículo ni zeeda lu serie stiʼ Torre stiʼ ni rapa ni láʼ «Xi riníʼ ique Dios de guerra».

Maʼ cadi candaa, Dios ni riguixhedxí ladxidoʼno, Jehová,a zaquiiñeʼ gobiernu stiʼ ni nuu guibáʼ para gulá ca ni cayacaná ne cuquiichinácabe laacaʼ (Filipenses 4:9; Salmo 72:14).

• Para gánnaluʼ ximodo chigúnibe ni, biiyaʼ videu Xii nga Reinu stiʼ Dios.