Ca guendanagana ni nuu pur cuchaa clima stiʼ Guidxilayú | ¿Xi chiguni Reinu stiʼ Dios?

«Nabé cayuniná clima stiʼ Guidxilayú riʼ stale binni. Cayuniná ni ca guidxi ca ne guiráʼ ni nuu ndaaniʼ Guidxilayú riʼ. Ne laaca pur modo nuu clima ca nabé cayuniná ca tormenta ca binni ne nuu de laacaʼ runíticaʼ lídxicaʼ ne riaanacaʼ sin dxiiñaʼ. Nabé maʼ nandáʼ nuu nisadóʼ ne pur nga stale de ca maniʼ nuu ndaaniʼ ni cayáticaʼ» (Inger Andersen, secretaria general adjunta de las Naciones Unidas y directora ejecutiva del Programa de las Naciones Unidas para el Medio Ambiente, 25 de julio de 2023).

¿Ñee zanda chuʼ ca gobiernu ca tobi si para guni chaahuicaʼ ca guendanagana ni cayuniná Guidxilayú stinu riʼ la? ¿Ñee zanda gúnicabe xiixa para maʼ cadi lica gacaná Guidxilayú stinu riʼ la?

Biblia ruzeeteʼ nuu ti gobiernu ni zanda guni chaahuiʼ ne zuni chaahuiʼ guiráʼ ca guendanagana ni napa Guidxilayú stinu riʼ. Ná ni: «Dios ni nuu guibáʼ zucuí ti reinu» o ti gobiernu ni zuni chaahuiʼ ca guendanagana napa Guidxilayú riʼ (Daniel 2:44). Ora maʼ guni mandar gobiernu riʼ maʼ guiráʼ binni zabani galán «guirutiʼ tu zuniná ne zunitilú» Guidxilayú riʼ (Isaías 11:9).