Zunitilú Jesucristu guiráʼ ca guendaquéiquiiñeʼ ni nuu

Nanna Jesús xi runi sentirnu ora runiná ca guendaquéiquiiñeʼ ca laanu. Purtiʼ laaca guníʼcabe ni cadi dxandíʼ de laabe, gudíñecabe laabe sin guzaabibe gastiʼ, cadi jneza biʼniʼ juzgárcabe ne biseguyoocabe laabe. Ne guizáʼ feu modo biiticabe laabe. Neca qué ñuni Jesús cosa malu peru guná guti «para gudii xquendanabani para guilá stale binni» (Mateo 20:28; Juan 15:13). Yanna maʼ nácabe Rey lu Reinu stiʼ Dios. Ne maʼ cadi candaa zunitilube guiráʼ guendaquéiquiiñeʼ ni nuu, ne zaca puru si ni jneza lu guidubi Guidxilayú riʼ (Isaías 42:3).

Biblia cayabi laanu ximodo zabani binni ora maʼ cuee Jesús guiráʼ guendaquéiquiiñeʼ:

• «Maʼ qué ziuu binni malu; zuuyadxiluʼ ra guyuucaʼ ne maʼ qué guínnicaʼ raqué. Peru ca ni nadóʼ zacaacaʼ guidxilayú, ne zabánicaʼ nayecheʼ purtiʼ ziuu stale paz» (Salmo 37:10, 11).

¿Ximodo zanda gusihuínninu rudiʼnu xquixe peʼ Jesús pur ni maʼ biʼniʼ ne pur ni chiguni pur laanu yaʼ? Ti modo zanda gúninu ni nga ra guizí’dinu jma de «ca noticia galán sti’ Reinu sti’ Dios», purti’ laapebe bi’ni’ predicarbe ca noticia ri’ (Lucas 4:43). Biinda’ artículo ni láʼ «¿Xii nga Reinu sti’ Dios?».