Xiñee qué runi ca testigu stiʼ Jehová Domingu de Pascua
Cani riníʼ binni ne cani dxandíʼ
Ni riníʼ binni: Qué runi ca testigu stiʼ Jehová Domingu de Pascua purtiʼ cadi xpinni Cristu laacaʼ.
Ni dxandíʼ: Runi credu zulá Jesucristu laadu ne rúnidu stipa pur gúnidu «casi biʼni» (1 Pedro 2:21; Lucas 2:11).
Ni riníʼ binni: Qué runi cretu pa biasa Jesús de lade gueʼtuʼ.
Ni dxandíʼ: Qué runi crésidu biasa Jesús de lade gueʼtuʼ, sínuque nánnadu laani nga tobi de ca cosa ni jma naquiiñeʼ guni cré ca xpinni Cristu. Ne laani nga ni jma ruínedu binni ora rucheechedu diidxaʼ (1 Corintios 15:3, 4, 12-15).
Ni riníʼ binni: Qué rudiicabe lugar chuʼ ca xiiñicabe nayecheʼ ora gacaʼ ca saa riʼ.
Ni dxandíʼ: Nadxiidu ca xiiñidu ne rúnidu stipa pur gusíʼdidu laacaʼ gúnicaʼ ni jneza ne gacanedu laacaʼ guibánicaʼ nayecheʼ (Tito 2:4).
Xiñee qué runi ca testigu stiʼ Jehová Domingu de Pascua
Guiráʼ costumbre rinanda binni dxi raca Domingu de Pascua cadi zeeda cani ndaaniʼ Biblia.
Guendaguti stiʼ Jesús nga biʼniʼ mandar guietenaláʼdxidu ne cadi dxi biasa de lade gueʼtuʼ. Guiráʼ iza rietenaláʼdxidu dxi gútibe ne rinándadu calendariu lunar ni biquiiñecabe tiempu gucuá Biblia para gánnadu xi dxi gúnidu ni (Lucas 22:19, 20).
Qué riuulaʼdxiʼ Dios guiráʼ costumbre ni rinándacabe dxi raca Domingu de Pascua, purtiʼ stale de laacani zeedacani de guiráʼ cosa ni cadi jneza biʼniʼ binni dxiqué. Laabe rinábabe guni adorárcabe laasibe ne ridxiichibe ora guni binni xiixa cosa ni qué riuuláʼdxibe (Éxodo 20:5; 1 Reyes 18:21).
Nanna dxiichidu lu Biblia nga zeeda cadi gúnidu Domingu de Pascua. Laani rabi ni laadu gápadu xquendabiaanidu ne guiníʼ íquedu jneza, lugar de chinándadu costumbre ni qué ganna binni para biasastí (Proverbios 3:21; Mateo 15:3). Riéchedu gusiénedu binni cani runi credu de Pascua ora guinabadiidxacaʼ ni laadu ne laaca runi respetardu ni riguixhe íquecaʼ gúnicaʼ (1 Pedro 3:15).