Nota

c Nuu tu ná biʼniʼ ca hombre riʼ ti promesa o ti voto de nazareato (Núm. 6:1-21). Cumu maʼ bixiá Ley stiʼ Moisés la? maʼ cadi caquiiñeʼ peʼ guni cumplírcabe voto que. Neca zaqué, zándaca guníʼ ique Pablo gastiʼ naca guni cumplir ca hombre que voto o promesa ni bíʼnicaʼ Jehová. Ngue runi, gudíxebe para igá guicha íquecaʼ napiiruʼ ne yenebe laacaʼ ra templu que. Qué gánnanu xi tipu voto biʼniʼ ca hombre que. Peru pa ñaca ni ti voto ra naquiiñeʼ guuticabe ti manihuiiniʼ para guixiá ca pecadu stícabe, casi runi ca nazareu la? qué ñuni diʼ Pablo ni. Purtiʼ nánnabe maʼ qué risaca ca sacrificiu riʼ, purtiʼ para nga guti Jesús. Neca qué gánnanu xi guiráʼ biʼniʼ Pablo, nánnanu qué ñúnibe gastiʼ ni nucaa laabe nuchiiñaʼ conciencia stibe.