Nota

d Jerjes I binibiáʼcabe laa casi tuuxa ni nabé ruchaa modo laa ne tuuxa ni nabé ridxiichi. Ora bizeeteʼ ti historiador de Grecia ni láʼ Heródoto de cani bizaaca ora biʼniʼ Jerjes I ne ca soldadu stiʼ caadxi biaje para guni ganar Grecia bisihuínnibe nagueenda ridxiichi. Ti dxi biʼniʼ mandar Jerjes I cuiʼ ti puente lu caadxi barcu, ti lugar nabéʼ lu nisadóʼ stiʼ Helesponto. Ora bisaba ti bi yooxhoʼ puente que guizáʼ bidxiichibe dede biʼniʼ mandarbe guiaaxha yanni ca hombre ni biʼniʼ ni, ne para laabe cayuni castigarbe ca nisa que ora biʼniʼ mandarbe cuʼdicabe nisadóʼ que ne cúʼcabe chicote ni. Laaca lu biaje queca biʼniʼ rey que sti cosa. Ora gunabaʼ ti hombre ricu laabe cueebe xiiñiʼ de gaca soldadu, biʼniʼ mandarbe ugácabe hombrehuiiniʼ que chupa ndaa ne cúʼcabe xcuérpube ti lugar ra guʼyaʼ guiráʼ binni ni ti cadi gúnicaʼ zaqueca.