Nota

a Xi gaca pa gúʼyacabe ruluíʼ huaxiéʼ nazaaca modo caroobaʼ baʼduhuiiniʼ riʼ o pa biaana stale embrión ndaaniʼ útero stiʼ gunaa ca yaʼ. Pa guiníʼ gunaa riʼ cueecabe baʼduhuiiniʼ ca la? naquiiñeʼ gánnabe maʼ cutiidiʼ xiiñibe ora gúnibe zacá. Ora guicaa ti gunaa ti tratamientu de fecundación in vitro, jma nagueenda raca xiiñibe stale baʼduhuiiniʼ, nuu tiru rale cuachi, rale chonna baʼduhuiiniʼ o jma. Nga runi, riuu jma guendanagana, tobi de laacani nga gale ca baʼduhuiiniʼ ca ante o guixii gunaa riʼ ziáʼ rini. Ora nacaxiiñiʼ ti gunaa stale baʼduhuiiniʼ la? zándaca gábicabe laabe guiaananebe ni racaláʼdxisibe ne guutibe cani qué gápabe gana gale. Tuuxa ni guni zacá la? maʼ cutiidiʼ baʼduhuiiniʼ stiʼ ne zeeda gácani casi ora ñuutibe ti binni (Éx. 21:22, 23; Sal. 139:16).