Primé libru de Crónicas
8 Benjamín nga bixhoze Bela, primé xiiñibe, ne guiropa que nga Asbel, guionna que la? Ahará; 2 guidapa que nga Nohá ne ra gule Rafá bizaacabe gaayuʼ. 3 Ca xiiñiʼ Bela nga Addar, Guerá, Abihud, 4 Abisúa, Naamán, Ahoá, 5 Guerá, Sefufán ne Huram. 6 Ndiʼ nga ca xiiñiʼ Ehúd, ca xaíque stiʼ ca familia ni nabeza Gueba, ca ni guleecabe laacaʼ de xquídxicaʼ ne yenécabe laacaʼ Manáhat: 7 Naamán, Ahíya ne Guerá. Guerá nga gulee ca binni que dxi bireecaʼ de xquídxicaʼ, ne xiiñibe nga Uzá ne Ahihud. 8 Gupa Saharaim xiiñiʼ lu layú stiʼ ca moabita despué de guládxibe laacaʼ. Ca xheelabe nga Husim ne Baará.* 9 Ne gupanébe xheelabe Hodes Jobab, Zibía, Mesá, Malcam, 10 Jeúz, Sakía ne Mirmá. Ndiʼ nga ca xiiñibe, ca xaíque stiʼ ca familia neza bixhózecabe.
11 Ne xheelabe Husim la? gupanebe laa Abitub ne Elpaal. 12 Ne ca xiiñiʼ Elpaal nga Éber, Misam, Sémed (ni bicuí guidxi Onó ne Lod ne ca guidxihuiiniʼ nuu gaxha de laacani), 13 Berías ne Sema. Laacabe nga gúcacabe xaíque stiʼ ca familia ni guleza Ayalón. Ne laacabe nga guládxicabe ca binni de Gad. 14 Lade ca ni zeeda de familia stiʼ Elpaal laaca nuu Ahió, Sasac, Jeremot, 15 Zebadías, Arad, Éder, 16 Miguel, Ispá ne Johá, ca xiiñiʼ Berías; 17 ne Zebadías, Mesulam, Hizquí, Héber, 18 Ismerái, Izlías ne Jobab, ca xiiñiʼ Elpaal; 19 ne Jaquim, Zicrí, Zabdí, 20 Elienái, Ziletái, Eliel, 21 Adaya, Berayá ne Simrat, ca xiiñiʼ Simeí; 22 ne Ispán, Éber, Eliel, 23 Abdón, Zicrí, Hanán, 24 Hananías, Elam, Antotiya, 25 Ifdeyá ne Penuel, ca xiiñiʼ Sasac; 26 ne Samserái, Seharías, Atalía, 27 Jaaresías, Elías ne Zicrí, ca xiiñiʼ Jeroham. 28 Laacabe nga ca xaíque familia neza bixhózecabe casi zeedani lu registru stiʼ ca xfamíliacabe. Guleza ca xaíque riʼ ndaaniʼ guidxi Jerusalén.
29 Jeiel, bixhoze Gabaón la? guleza ndaaniʼ guidxi Gabaón. Xheelabe nga Maacá. 30 Primé xiiñibe nga Abdón, despué gúpabe Zur, Quis, Baal, Nadab, 31 Guedor, Ahió ne Zéker. 32 Miclot nga bixhoze Simeá. Guirácabe gulézacabe gaxha de ca bíʼchicabe ndaaniʼ guidxi Jerusalén, gaxha de xcaadxi bíʼchicabe.
33 Ner nga bixhoze Quis; Quis nga bixhoze Saúl; Saúl nga bixhoze Jonatán, Malki-Súa, Abinadab ne Esbaal.* 34 Ne xiiñiʼ Jonatán nga Merib-Baal.* Merib-Baal nga bixhoze Miqueas. 35 Ne ca xiiñiʼ Miqueas nga Pitón, Mélec, Tarea ne Acaz. 36 Acaz nga bixhoze Jehoadá; Jehoadá nga bixhoze Alémet, Azmávet ne Zimrí. Zimrí nga bixhoze Mozá. 37 Mozá nga bixhoze Bineá, xiiñiʼ Bineá nga Rafá, xiiñiʼ Rafá nga Eleasá, xiiñiʼ Eleasá nga Azel. 38 Gupa Azel xhoopaʼ xiiñiʼ, ne laacabe nga Azricam, Bocrú, Ismael, Searías, Abdías ne Hanán. Guirácabe nga xiiñiʼ Azel. 39 Ne ca xiiñiʼ bíʼchibe Éshec nga Ulam, primé xiiñiʼ; Jeús nga guiropa, ne Elifélet nga guionna. 40 Guca ca xiiñiʼ Ulam soldadu nadipaʼ ni nanna iquiiñeʼ arcu,* ne gúpacabe stale xiiñicabe ne nietu, biaʼsi ti gayuaa cincuenta. Guirácabe nga ca ni zeeda de ca xiiñiʼ Benjamín.