¡Maʼ gaxha nuu Paraisu ca! — BIBLIOTECA NI NUU LU INTERNET Watchtower

6 Ndaa

¡Maʼ gaxha nuu Paraisu ca!

Guiráʼ ca guendamalu ni cayaca lu Guidxilayú riʼ culuíʼ cani maʼ gaxha nuu Paraisu ca. Maʼ xadxí guníʼ Biblia, zadúʼyanu dxi nagánapeʼ ante gueeda Paraisu ca. Yanna nga cabáninu ca dxi ca. Ca ndiʼ nga chupa chonna de cani guníʼ Biblia zaca.

Guendaridinde stiʼ ca guidxi roʼ ca. «Purti zucaa lú ti gobiernu sti gobiernu ne zucaa lú ti guidxi sti guidxi.» (Mateo 24:7.) Ca diidxariguixhená riʼ maʼ guca cani. Dede iza 1914 maʼ guca chupa guendaridinde roʼ lu guidubi naca Guidxilayú ne xcaadxi guendaridinde nahuiiniʼ ra maʼ huayati miyón de binni.

Guendahuará ni jma reeche. Ziuu «enda huará stale guidxi» (Lucas 21:11). Maʼ cahuinni señal riʼ la? Maʼ. Nuu cánser, guendahuará de ladxidóʼ, guendahuará bidxi, dxiña, sida ne stale ruʼ guendahuará ni maʼ huayuuti miyón de binni.

Riaadxaʼ guendaró. Lu guidubi naca Guidxilayú nuu binni qué rizaa ni gó. Miyón de binni rati de guendarindaana guiráʼ iza. Ndiʼ nga sti señal de que Paraisu ca mayaca guedandani raríʼ. Biblia na: «Ne zaca gubiña» (Marcos 13:8).

Xu. «Zaca [...] xu stale lugar.» (Mateo 24:7.) Ndiʼ laaca maʼ cahuinni ca dxi riʼ. Jma de ti miyón binni maʼ guti runi guiráʼ ca xu ni huayaca dede 1914.

Binni malu. Stale binni nisi «bidxichi zacá ique caʼ» ne «zuyubi binni para laa si». «Zuyubi cabe ni chuʼlaʼdxi cabe lugar de nuyubi cabe Dios». Xiiñiʼ binni maʼ «qué zuzuuba ca stiidxa jñaa ca ne bixhoze caʼ» (2 Timoteo 3:1-5). Cadi dxandíʼ nuu stale binni zacá yanna la? Qué ruzuubacabe stiidxaʼ Dios, ne runinácabe cani riulaʼdxiʼ guiziidiʼ de laabe.

Guendarucheené ley. Laaca zadale «enda ruchee» (Mateo 24:12). Cadi dxandíʼ maʼ bidale guendaruchee ca stale ca dxi riʼ la? Guiráʼ ladu ruxooñeʼ binni riesgu cuánacabe, gusiguiicabe o guninácabe laa.

Guiráʼ ndiʼ la? culuíʼ cani maʼ gaxha nuu Reinu stiʼ Dios. Biblia na: «Ora gúʼyatu gaca guiráʼ ndiʼ la? laganna ma gaxha nuu reinu stiʼ Dios» (Lucas 21:31, NM). Peru, xii nga Reinu stiʼ Dios yaʼ. Nga nga gobiernu stiʼ Dios de guibáʼ ni chiguni Guidxilayú riʼ ti paraisu. Ziuuni xlugar guiráʼ ca gobiernu ni nuu yanna riʼ (Daniel 2:44).