12. Xi rusiidiʼ ejemplu stiʼ ca querubín ni gupa Edén que laanu.

¹² Ca querubín. Nabé risaca puestu napa ca ángel riʼ. Dxi bichee Adán ne Eva que, biseendaʼ Jiobá caadxi querubín ndaaniʼ Guidxilayú para gúnicaʼ ti dxiiñaʼ ni qué huayuu dxi gúnicaʼ guibáʼ. Ejemplu stícabe racané laanu para guni huantarnu ora guicaanu ti asignación nagana. Biblia na bizuhuaa Jiobá querubín «neza ra rindani gubidxa stiʼ jardín de Edén que, ne guluube ti espada naze bele ni cudii bieque ti cadi guidxiña guirutiʼ ra nuu yaga ni rudii guendanabani» (Génesis 3:24).^[2] Qué riníʼ diʼ Biblia pa gudicheruaa ca querubín que o pa guniʼcaʼ huaxiéʼ risaca asignación que para laacaʼ. Qué nireecabe gana ne qué nusaanacabe dxiiñaʼ bidii Dios laacabe. Biaanacabe lu asignación que dede ora biluxe ni. Zándaca biaana ca querubín riʼ raqué dede ora biaba nisaguié naroʼbaʼ que, 1,600 iza despué.