19. Xi cá ique Hamán guni, ne xi bíʼnibe para bicuudxibe rey que.

¹⁹ Guizáʼ bidxiichi Hamán ora biʼyaʼ qué niná Mardoqueo nuzuxibi xañee, ngue runi biyúbibe modo guutibe laa. Ne cadi laasi, sínuque né guiráʼ ca binni xquidxi. Ni biʼniʼ Hamán primé nga guyé ranuu Asuero ne guníʼ mal de ca binni ni nabeza ndaaniʼ ti guidxi, ne ca binni que nga ca judíu, peru qué niniʼbe lacaʼ. Guniʼbe nácacaʼ binni ni qué risaca, reechecaʼ biaʼ ra runi mandar rey que ne guirutiʼ ridxaagacaʼ ndaaniʼ ca gudxi ra nuucaʼ, qué ruzuubacaʼ diidxaʼ ne nabé malu laacaʼ, purtiʼ qué rinándacaʼ ca ley ni gudixhe rey que. De raqué guniʼbe zaguube stale bueltu lu tesoro stiʼ rey que para guuti ca judíu ni nuu biaʼ ra runi mandar.d Xi bicabi Asuero laabe yaʼ. Rey que bidii laabe derechu para quíxhebe xi zanda gaca ne dede bidii laabe aníu ni rucaa sellu stiʼ para guihuinni casi ñaca laa nga caguixhe ca ley que (Est. 3:5-10).