22. Xiñee bidxibi Ester cheʼ nezalú rey que. (Laaca zanda gúʼyaluʼ ni cá ñee yaza.)

²² Ora gunna reina que xi canábabe laa la? biaʼ biaʼ qué niree si ladxidóʼ. Raríʼ nga ra jma chigusihuínnibe pa naguidxi nuu fe stibe. Pur modo bicábibe Mardoqueo bisihuínnibe cadxíbibe. Xiñee cadxíbibe yaʼ. Purtiʼ ley stiʼ ca persa que na naquiiñeʼ gatiʼ binni ni guidxiña nezalú Asuero pa qué gaca invitar, ne nguepeʼ nga ni bisietenaláʼdxibe Mardoqueo. Pa cheʼ tuuxa nezalú rey que sin gaca invitar la? ni zanda si gulá laa nga gusigaanáʼ rey que né vara de oro stiʼ para gutiidilaʼdxiʼ stonda. Peru pa nin Vasti qué nutiidiláʼdxibe stonda ora qué niná ñe ra nuube, ñee nuu razón para gutiidiláʼdxibe stonda Ester la? Ne Ester gudxi Mardoqueo maʼ raca treinta dxi de qué huayuni invitar rey que laabe chebe ranuu, ne cumu nabé ruchaa rey que modo riníʼ ique ne zaqueca cani racalaʼdxiʼ guni la? zándaca maʼ qué rapa gana guʼyaʼ laabe (Est. 4:9-11).e