8. 1) Xi zanda guiénenu ora ruzeeteʼ Biblia de dani. 2) Xii nga «dani ra zuhuaa ca olivo» que.

⁸ Cumu «guidxi» —Jerusalén— ca nga zeeda gaca casi Reinu stiʼ Dios la? «dani ra zuhuaa ca olivo, ni nuu frente de Jerusalén» que, laaca nuu xi riniʼni. Xi riniʼni yaʼ. Xiñee ndiʼ rácani chupa galaa ne rácani chupa dani yaʼ. Ne xiñee riníʼ Jiobá laacani nga «ca dani stinneʼ» yaʼ (Zac. 14:3-5). Nuu tiru, ora ruzeeteʼ Biblia de dani, caniʼni de reinu, o gobiernu. Ne ora ruzeeteni de dani stiʼ Dios la? caniʼni de ca ndaayaʼ ne ximodo rapa Dios ca xpinni (Sal. 72:3; Is. 25:6, 7). Nga runi, «dani ra zuhuaa ca olivo» ra ruzuhuaañee Dios que, zeeda gácani derechu ni napa Jiobá para guni mandar casi Xaíque stiʼ guibáʼ ne guidubi Guidxilayú.

DXÍ BIZULÚ GUYÉ CA XPINNI DIOS NDAANIʼ VALLE STIʼ JIOBÁ

11, 12. 1) Padxí nga bizulú guyé binni ndaaniʼ valle stiʼ Jiobá. 2) Ximodo nánnanu caquiiñeʼ Jiobá poder stiʼ para gapa ca xpinni.

¹¹ Sicaríʼ gudixhená Jesús ca discípulo stiʼ: «Zaca nanalaʼdxi binni de irá ladu laatu purti xpinne laatu» (Mat. 24:9). Dede dxi bizulú ca últimu dxi stiʼ guidxilayú malu riʼ lu iza 1914, zeʼ dxi jma nanalaʼdxiʼ binni ca xpinni Cristu ni bibí. Ne dxi guca primé guendaridinde lu guidubi naca Guidxilayú nabé bininacaʼ ne biseguyoocaʼ caadxi de laacabe. Neca zacá qué ñanda nunduuxeʼ ca enemigu riʼ religión ni dxandíʼ, purtiʼ lu iza 1919 biree ca xpinni Cristu que de ra deguyoocaʼ. Despué laaca biree xquidxi Dios de lu naʼ Babilonia Guidxi roʼ, ni zeeda gaca guiráʼ ca religión ni qué rusiidiʼ ni dxandíʼ (Apoc. 11:11, 12).a Dxi que nga bizulú guyé binni ndaaniʼ valle ni nuu lade ca dani stiʼ Jiobá.

¹² Dede iza 1919 caquiiñeʼ Jiobá valle stiʼ para gapa guiráʼ ca xpinni ni nuu lu guidubi Guidxilayú. Maʼ xadxí nga de racalaʼdxiʼ stale binni gucueeza ca Testigu de gúnicaʼ libru ne revista ne de gucheechecaʼ diidxaʼ ndaaniʼ stale guidxi roʼ. Peru intiica guni ca guidxi roʼ ca, qué zudii Jiobá lugar gunitilúcabe religión ni dxandíʼ. Caquiiñeʼ Jiobá poder stiʼ para cadi chuʼ tu guniná ca xpinni (Deut. 11:2).

13. Ximodo ruyúbinu gapa Jiobá laanu ndaaniʼ valle stiʼ, ne xiñee yanna nga jma risaca guiaananu ndaaniʼ ni.

¹³ Pa chuʼnu gaxha de Jiobá ne guni adorarnu laabe modo racaláʼdxibe la? cásica laabe ne Xiiñibe, Jesucristu, zápacabe laanu. Qué zudii Dios lugar chuʼ xiixa o tuuxa ni guxheleʼ laanu de laa (Juan 10:28, 29). Jiobá racalaʼdxiʼ gacané laanu guzúʼbanu stiidxaʼ ne cadi guixélenu de Reinu stiʼ Cristu. Ne cumu mayaca guzulú ca dxi jma nagana la? jma risaca guiaananu ndaaniʼ valle stiʼ Jiobá.