runi, ca diidxaʼ guníʼ Daniel de Mesías que bizulú guca cani lu iza 455 a.J.

Guníʼ Daniel pabiáʼ tiempu zadiʼdiʼ para guedandá «Mesías Xaíque que». Ca diidxaʼ guníʼ Daniel que na «7 semana, ne laaca zadiʼdiʼ 62 semana», biaʼsi rizaa ni 69 semana. Pabiaʼpeʼ nga chiguindaa ca semana ca pue. Casi na xcaadxi Biblia, cadi dxandíʼ zandaa ni biaʼ rindaa ca semana ni napa gadxe gubidxa, sínuque gadxe iza nga zandaa cada semana. Ca judíu que dxiqué laaca biénecabe ca semana ca de gadxe iza, o ti neza de gadxe iza. Casi dxiqué, tiidiʼ si xhoopaʼ iza la? ra guizaa gadxe iza ca reeda gaca ni casi ti sábadu (Éxodo 23:10, 11). Nga runi, 69 semana ca zeeda gaca ni 69 neza de gadxe iza cada tobi ne biaʼsi rudii ni 483 iza.

Yanna maʼ chiugábasinu. Pa dede iza 455 a.J. guzulú ugábanu 483 iza ca la? zindanu lu iza 29 despué de Jesús (d.J.), ízapeʼ ca nga guyuunisa Jesús ne guca Mesías (Lucas 3:1, 2, 21, 22).a Dxandíʼ guca cásipeʼ cá lu Biblia chigaca que njaʼ.

GUDXI Jiobá Dios ca profeta bicaa lu Biblia stale cosa de Mesías, ni chigulá binni. Nin cadi nagana para guidxélacabe tu laabe, purtiʼ maca bieeteʼ ximodo chigálebe, xi dxiiñaʼ chigúnibe ne ximodo chigátibe. Guendaridxagayaa nga modo guca guiráʼ xixé ni gucuá chigaca que. Zadúʼyanu biáʼsipeʼ nga guca guiráʼ ni gucuá de dxi gálebe ne dxi gácabe baʼduʼ.

Maca guníʼ profeta Isaías zeeda Mesías que de David (Isaías 9:7). Ne zaqué guca ni: beeda gale Jesús lade ca xiiñiʼ rey David (Mateo 1:1, 6-17).

Miqueas, sti profeta stiʼ Dios, guníʼ zálebe «Belén Efrata» ne zuni mandarbe (Miqueas 5:2). Dxi beeda Jesús lu Guidxilayú riʼ, guyuu chupa guidxi láʼ Belén ndaaniʼ guidxi Israel. Tobi que guyuu neza guiaʼ stiʼ guidxi que, gaxha de Nazaret, ne stobi que guyuu Judá, gaxha de Jerusalén. Ni riaana gaxha de Jerusalén que biree lani Efrata. Ne raquepeʼ nga gule Jesús, zacá guca ni guníʼ Miqueas que (Mateo 2:1).

Sti cosa ni bieeteʼ zuni Dios nga zuseendacaa Xiiñiʼ «de Egipto». Zacá guca ni, purtiʼ dxi naca Jesús baʼduhuiiniʼ yenécabe laabe Egipto, peru guti si rey Herodes, bibiguétabe xquídxibe. Zacá nga guca ni guníʼ profeta que (Oseas 11:1; Mateo 2:15).

Lu tabla ni láʼ «Cani bizaaca Mesías» zuuyaluʼ ti ndaa ra cá «Cani chigaca», luni zeeda textu stiʼ Biblia ra cá guiráʼ cani caníʼ de Mesías. Galán pa guchaagaluʼ ca textu stiʼ sti ndaa ra cá «Guca cani». Pa gúniluʼ nga la? jma zuni creluʼ dxandíʼ nga Stiidxaʼ Dios.

Ora maʼ cayuundaluʼ cani, cadi guiaandaʼ lii gucuá ca diidxaʼ ca gayuaa iza ante gale Jesús. Ne Jesús peʼ guníʼ: «Gudxe laatu napa xidé gaca irá ni cá lu xquiʼchi Moisés, ne ni bicaa ca profeta ne ni cá lu Salmo, irá ra ruzeete ni naa» (Lucas 24:44). Casi rihuinni lu Biblia, dxandíʼ guca guiráʼ cani gucuá que.

CANI runi cré Trinidad la? nácabe chonna binni nga ti Dios: Dios, Xiiñiʼ ne Espíritu Santu. Ne nácabe tobi si nga guionnaʼ binni ca, guiráʼ xixé cosa zanda gúnicaʼ ne nin tobi de laacaʼ qué ñápacaʼ ra bizulú xquendanabánicaʼ. Trinidad ca rusiidiʼ ni Padre ca nga Dios, Xiiñibe laaca Dios laa ne Espíritu Santu ca laaca Dios ni, peru ti Dios si nga nuu.

Stale de cani runi cré Trinidad, riniʼcaʼ qué zanda gusiénecaʼ ni. Zándaca riníʼ íquecabe Stiidxaʼ Dios nga rusiidiʼ ni. Peru