Ximodo zanda gacaniáʼ xcaadxi binni
1. Xii nga riguu xizaa stale guendaxheelaʼ ni napa xiiñiʼ.
1 Ti guendaxheelaʼ ni rizaalaʼdxiʼ ca xpinni Cristu, gúdxicaʼ ti binnigola ni nuu ra ridagulisaacaʼ sicaríʼ: «Nabé runadiágadu rábicabe ca binni ridagulisaa gacanecaʼ ca bíʼchicaʼ ne bizáʼnacaʼ. Peru laadu zuluasiáʼ huaxiéʼ tiempu nápadu para gacanedu sti binni, purtiʼ nápadu xidé cueedu tiempu para laadu, para gacanedu ca xiiñidu, ne rúnidu stipa pur chindadu tempranu ra ridagulisaadu, chigucheechedu diidxaʼ guiradu ne guidúʼndadu Stiidxaʼ Dios».
2. Ximodo zacanenu ca binni ridagulisaa pa gacanenu ca xiiñinu.
2 Ñee nápaluʼ xiiñiluʼ ne riuuláʼdxiluʼ gacaneluʼ xcaadxi peru laaca rizaacaluʼ casi guendaxheelaʼ ni maʼ bizéʼtenu ca la? Zándaca jma cayacaneluʼ xcaadxi sin gudiiluʼ cuenta. Biiyaʼ ca xiiñiluʼ casi xcaadxi de cani ridagulisaaneluʼ. Nuu lugar jma stale de cani nahuiiniʼ ca nuu ndaaniʼ ca neza binni ridagulisaa ca. Nga runi, pa gacanenu cani nahuiiniʼ ca la? cayacanenu ca binni ridagulisaa chuʼcaʼ naguidxi.
3. Xi dxiiñaʼ risaca nga naquiiñeʼ guni cani napa xiiñiʼ.
3 Tuu nga naquiiñeʼ gacané ca xiiñiluʼ yaʼ. Laatu, bixhózecabe ne jñaacabe. Nga runi, ora gatigá ruundanetu ca xiiñitu, rucheechenetu laacabe diidxaʼ ne rinetu laacabe guendaridagulisaa la? casi ora ñacanetu tobi de ca binni ridagulisaa.
4. Ca guendaxheelaʼ ni napa xiiñiʼ ca, tuu nga jma naquiiñeʼ gacanécabe.
4 Guiranu racanenu ca bíʼchinu ne bizáʼnanu. Pa cani napa xiiñiʼ quixhe chaahuicaʼ stiémpucaʼ, nabé rucheechecaʼ diidxaʼ ne riecaʼ guiráʼ ca guendaridagulisaa ca la? nabé zacanécabe ca bíʼchicabe ne bizáʼnacabe ni ridagulisaanécabe. Nga runi, galán runi ca guendaxheelaʼ ca ora racanecaʼ ca xiiñicaʼ primeru (Sal. 127:3). Laguiníʼ ique ximodo gacanetu binnilídxitu para gácacaʼ ti ejemplu para xcaadxi xpinni Cristu.
5. Ximodo huayacané cani napa xiiñiʼ xcaadxi xpinni Cristu.
5 Peru, ñee racaláʼdxiruluʼ gacaneluʼ tuuxa ni cadi naca binnilídxiluʼ la? Zanda gúniluʼ ni. Nuu tu ruyubi gucheeche diidxaʼ ne ti xpinni Cristu ni nacubi cazulú. Cani napa xiiñiʼ ni naca precursor laaca zanda guireenecaʼ xcaadxi xpinni Cristu ora rucheechecaʼ diidxaʼ ne zacá maʼ qué zaquiiñeʼ cueecabe tiempu para gúnicabe ni. Ne nuu tiru ca xcuidi jma huaniisi ca zanda gacanécabe cani jma nahuiiniʼ peru maca cayacané bixhózecabe laacabe. Zándaca zacá zacaneluʼ xcaadxi xpinni Cristu ne cadi ca binnilídxisiluʼ.
6. Xi pur naquiiñeʼ guiecheʼ cani napa xiiñiʼ.
6 Ñee nuu razón para chuʼ cani napa xiiñiʼ triste ne guinabadiidxacaʼ: «Ximodo zanda gacaniáʼ xcaadxi binni yaʼ». Coʼ, purtiʼ maʼ stale nga cayúnicabe cayacanécabe binnilídxicabe gácacaʼ ti ejemplu para xcaadxi xpinni Cristu. Cani napa xiiñiʼ la? zanda chuʼcaʼ nayecheʼ purtiʼ zanda gacanecaʼ binnilídxicaʼ ne xcaadxi xpinni Cristu. Cadi gusaanatu de gúnitu zacá para gusisácatu Jiobá.