Ti ejemplu ni zanda chinanda cani nahuiiniʼ ne cani huaniisi

Dxiqué guyuu tobi hombre ni nabé guyuulaʼdxiʼ chuʼ gaxha de Jiobá ne biʼniʼ ni nabe biaʼ dxi bibani. Laabe guzanebe «Dios ni dxandíʼ», ngue runi guluu ndaayaʼ laabe. Hombre ca nga Noé, ni naquiiñeʼ chinándanu ejemplu stiʼ biaʼ tiica xhízanu (Gén. 6:9). Videu ni láʼ Noé guzané Dios zacané laanu guidúʼyanu ximodo bibánibe dxiqué, xi bíʼnibe para gunda gucuaabe ndaayaʼ stiʼ Jiobá ne ximodo zanda gácanu casi laabe.

Ora maʼ biiyatu videu ca la? laguuyaʼ pa zanda guicábitu ca guendarinabadiidxaʼ ni zeeda lu DVD (gastiʼ ni lu diidxazá stiʼ istmo): 1) Xi cosa malu biʼniʼ caadxi ángel, ne tuu nga guca ca nefilim (Gén. 6:1, 2, 4). 2) Xiñee nabé malu guca ca binni que ne ximodo biiyaʼ Dios modo bibánicabe (Gén. 6:4-6). 3) Ximodo bisihuinni Noé gadxé laa de xcaadxi binni (Gén. 6:22). 4) Ximodo binitilú ca binni malu que (Gén. 6:17). 5) Pabiáʼ naroʼbaʼ arca que (Gén. 6:15). 6) Xiruʼ biʼniʼ Noé. Ñee bilabi ca binni que laabe la? (Mat. 24:38, 39; 2 Ped. 2:5.) 7) Panda de cada maniʼ guyuu ndaaniʼ arca que (Gén. 7:2, 3, 8, 9). 8) Panda dxi biaba Nisaguié Naroʼbaʼ que, ne panda dxi bilaahua Guidxilayú riʼ (Gén. 7:11, 12; 8:3, 4). 9) Xiñee bilá Noé ne binnilidxi (Gén. 6:18, 22; 7:5). 10) Paraa biaanacá arca que (Gén. 8:4). 11) Ximodo gunna Noé pora maʼ zanda guireecaʼ ndaaniʼ arca que (Gén. 8:6-12). 12) Xi biʼniʼ Noé cásipeʼ biree ndaaniʼ arca que (Gén. 8:20-22). 13) Xi riníʼ arcu iris que (Gén. 9:8-16). 14) Xi riníʼ sánenu Dios (Gén. 6:9, 22; 7:5). 15) Xi naquiiñeʼ gúninu ti guidúʼyanu Noé ndaaniʼ Paraísu (Mat. 28:19, 20; 1 Ped. 2:21).

Ximodo zanda gacané historia stiʼ Noé laanu sánenu Dios, ne guni crenu zanda iquiiñebe poder stibe para gulabe ca xpínnibe (Gén. 7:1; Pro. 10:16; Heb. 11:7; 2 Ped. 2:9).