-
Guendarinabadiidxaʼ 13: Xi ruzeeteʼ Biblia de dxiiñaʼCani zaziidiluʼ lu Stiidxaʼ Dios
-
-
GUENDARINABADIIDXAʼ 13
Xi ruzeeteʼ Biblia de dxiiñaʼ
«Huayuuyaluʼ ti hombre ni runi xhiiñaʼ jneza la? Nezalú rey nga zuzuhuaabe; qué zuzuhuaadibe nezalú tutiica binni.»
(Proverbios 22:29)
«Ni uca gubaana la? ma cadi cuanaʼ, sínuque ma iquiiñe ná para guni dxiiña jneza, ti ganda gapa xiixa para acané cani qué gapa gastiʼ.»
«Maʼ biiyaʼ galán nga gó guiráʼ binni ne gueʼ ne guiecheʼ pur ca dxiiñaʼ nadipaʼ ni runi. Ne de Dios nga zeeda ca ndaayaʼ riʼ.»
(Eclesiastés 3:13)
-
-
Guendarinabadiidxaʼ 14: Ximodo zanda iquiiñeluʼ xpuéltuluʼ jnezaCani zaziidiluʼ lu Stiidxaʼ Dios
-
-
GUENDARINABADIIDXAʼ 14
Ximodo zanda iquiiñeluʼ xpuéltuluʼ jneza
«Binni ni jma riuulaʼdxiʼ gapa gustu zeeda gaca ti binni pobre; binni ni jma nadxii vinu ne aceite la? qué zapa bidxichi.»
(Proverbios 21:17)
«Ni quiʼñeʼ xiixa zeeda gaca esclavu stiʼ binni ni gutiiñeʼ laa.»
(Proverbios 22:7)
«Lácaxa nuzulú tobi hombre ti yoo sin que nirudóʼ nibí ñuuya chaahui pa zugaanda xpidxichi para iluxe ni. Oraque ru nuzulú ni. Pacaa nindaa si be cimientu ma qué ñanda nunduuxe be ni la? irá binni ñuni burla laabe, niná caʼ: “Hombre ca bizulú si ti yoo. Yanna ma qué ganda unduuxeʼ”.»
«Biluxe gudó si ca binni que gudxi be ca discípulu stibe utopa ca ni biaana que ti cadi initi gastiʼ.»
-
-
Guendarinabadiidxaʼ 15: Ximodo zanda guibániluʼ nayecheʼCani zaziidiluʼ lu Stiidxaʼ Dios
-
-
GUENDARINABADIIDXAʼ 15
Ximodo zanda guibániluʼ nayecheʼ
«Jma galán nga gó binni ti bladu verdura peru nadxiisaacaʼ, que gocaʼ beela yuze ne nannalaʼdxisaacaʼ.»
(Proverbios 15:17)
«Naa, Jiobá, naa nga Dios stiluʼ, ni cusiidiʼ lii para cueenduluʼ ni galán. Ni culuíʼ lii gunáʼ nga neza ra naquiiñeʼ saluʼ.»
(Isaías 48:17)
«Nayecheʼ nuu cani nanna caquiiñecaʼ Dios, purtiʼ sticaʼ Reinu ni nuu guibáʼ.»
(Mateo 5:3, TNM)
«Ne rairopa ri zeda gaca casi primé ca: “Gunaxhii stobi cásica nadxii lu lii”.»
«Laguni laacabe ni racalaʼdxi tu guni cabe laatu.»
«Jma dichoso cani ucaa diaga stiidxa Dios ne guni ni na ni.»
«Laguuya gá laatu ne enda ruyubi gapa bidxichi, purti cadi nga si nga enda nabani sti binni.»
«Nga runi, zaa naca gapa nu bidxichi, inque si napa nu ni idóʼ no ne ni gacu nu, nga si guieche né nu.»
«Jma nayeche ni rudii que ni ricaa.»
-
-
Guendarinabadiidxaʼ 16: Ximodo gudxiiluluʼ guendanagana gápaluʼCani zaziidiluʼ lu Stiidxaʼ Dios
-
-
GUENDARINABADIIDXAʼ 16
Ximodo gudxiiluluʼ guendanagana gápaluʼ
«Bilaa ni nualuʼ luguiáʼ Jiobá ne laabe zanaazebe lii. Qué ziuu dxi gudiibe lugar guiaba ni runi ni jneza.»
(Salmo 55:22)
«Binni runi dxiiñaʼ la? zareendú cani quixhe ique guni. Peru guiráʼ cani racaluguʼ zácacaʼ pobre.»
(Proverbios 21:5)
«Cadi guidxíbiluʼ, purtiʼ nuaaniáʼ lii. Cadi chuʼluʼ xizaa, purtiʼ naa nga Dios stiluʼ. Zudieeʼ stipa lii, ya, zacaniáʼ lii; dxandipeʼ zanaazeʼ dxiicheʼ lii né nayaʼ derechu, ni runeniáʼ ni jneza.»
(Isaías 41:10)
«Neca ñuu tu xizaa ne nuyubi tu modo nibani tu xcaadxi, ñee ñanda nibani tu jma que biaʼ dxi nexhe ibani tu la?»
«Nga runi cadi chuʼ tu xizaa de ni chi gaca ixíʼ, purti ixí ru nga guʼya tu xi gacaʼ. Lagucaa ique si de ni naquiiñe tu yanadxí.»
«Ti ganna tu cui tu ni dxandí risaca.»
«Cadi chuʼ tu xizaa de gastiʼ, sínuque lainíʼ né Dios. Lainaba laa irá ni caquiiñe tu, ne laudii diuxquixe laa. Ne óraque zaguixhe dxí ladxidóʼ to dede iruti zanda guiene ximodo ni. Ma qué zadxibi ladxidóʼ to, ne zata dxí xquenda biaani tu, purti nuu né tu Cristu Jesús tobi si.»
-
-
Guendarinabadiidxaʼ 17: Ximodo guibanineluʼ binnilídxiluʼ nayecheʼCani zaziidiluʼ lu Stiidxaʼ Dios
-
-
GUENDARINABADIIDXAʼ 17
Ximodo guibanineluʼ binnilídxiluʼ nayecheʼ
CA HOMBRE
«Laca naquiiñe ganaxhii hombre xheela casi nadxii cuerpu stiʼ. Ni nadxii xheela la? nadxii laca laa. Purti iruti raca nanalaʼdxi cuerpu stiʼ, sínuque ruyaana ni ne ranaxhii ni [...]. Peru laca rusiidi ni naquiiñe ganaxhii hombre xheela casi nadxii laca laa.»
«Hermanu caʼ, cadi guni tu xiixa para uchiichi si tu xiiñi tu, sínuque lausiidi laacabe ne laulidxe laacabe. Lausiniisi laacabe modo na Señor.»
CA GUNAA
«Gunaa la? naquiiñeʼ gapa stale respetu xheelaʼ.»
(Efesios 5:33, TNM)
«Hermana caʼ, lauzuuba stiidxa xheela tu, purti zacá naquiiñe guni ca xpinni Señor.»
CA BAʼDUʼ
«Baʼdu caʼ, lauzuuba stiidxa bixhoze tu ne jñaa tu, purti nga nga jneza guni ca xpinni Cristu. Lade ca mandamientu zeeda tobi na: “Bizuuba stiidxa bixhoʼzo ne jñoouʼ”. Ne nga nga primé mandamientu ra riete xi icaa nu pa guni nu ni na ni. Purti na ni pa guni nu zacá la? zabani nu nayecheʼ, ne zabani nu xadxí ndaani guidxilayú riʼ.»
«Laatu, baʼdu caʼ, lauzuuba stiidxa bixhoze tu ne jñaa tu de iráʼ, purti nga nga riulaʼdxi Señor.»
-