Xiñee naquiiñeʼ gánnanu xi zeeda lu Biblia
Biblia nga ti libru ni jma napa binni lu guidubi naca Guidxilayú. Ñee huayuundaluʼ ni la? Ca binni de guiráʼ guidxi ni huayuundaʼ ni huayacaneni laacaʼ gatadxí ladxidoʼcaʼ ne gánnacaʼ nuu stale cosa sicarú ni cabeza laacaʼ ne huayacané ca conseju ni zeeda luni laacaʼ. Peru nuuruʼ stale binni ni napa o qué gapa xiixa religión qué huayuundaʼ ni ne nuu de laacaʼ ñuuláʼdxicaʼ ñánnacaʼ xi nani. Pa riuuláʼdxiluʼ gánnaluʼ jma la? folletu riʼ zanda gacané lii gánnaluʼ chupa chonna de ca cosa ni jma rusiidiʼ Biblia.
ANTE guzulú gúʼndaluʼ Biblia, galán gánnaluʼ chupa chonna cosa de laani. Biblia ca laaca runibiáʼ binni ni casi Stiidxaʼ Dios, ne nápani 66 libru. Primé libru ca láʼ Génesis ne últimu ca láʼ Apocalipsis.
Yanna, tuu nga guníʼ xi guicá lu Biblia yaʼ. Galán guinabadiidxanu nga. Dios Biquiiñeʼ biaʼ cuarenta hombre para bicaacaʼ 66 libru nápani ne gudiʼdiʼ jma de ti mil xhoopaʼ gayuaa iza para biluxe gucuá ni. Peru galán guzéʼtenu qué niníʼcabe laacabe gudíxhecabe xi guicá lu Biblia. Ne tobi de laacabe bicaa ca diidxaʼ riʼ: «Irá Xquiʼchi Dios, Espíritu Santu uníʼ xi icá» (2 Timoteo 3:16). Ne stobi guníʼ: «Purti dede nin ca profeta sti Dios qué nusiidi ca ni ucalaʼdxi si caʼ, sínuque uníʼ ca ni na Dios casi gudxi Espíritu Santu ni laacaʼ» (2 Pedro 1:21). Casi maʼ bidúʼyanu, cani bicaa Biblia ca guniʼcaʼ, Jiobá Dios nga gudxi laacaʼ xi guicá luni, laabe nga Dios ni jma risaca lu guidubi naca guibáʼ ne Guidxilayú. Luni cayeeteʼ Jiobá nga bidii ni laanu para gunibiaʼnu laa.
Laaca naquiiñeʼ gánnanu xi tema napa Biblia: Dios zaguixhe chuʼ ti reinu guibáʼ ti ganna binni ne guni respetarcaʼ derechu nápabe de guni mandarbe binni guidxilayú. Lu xcaadxi yaza stiʼ folletu riʼ zuuyaluʼ ximodo cayeeteʼ de tema riʼ lu guidubi naca Biblia, de Génesis hasta Apocalipsis.
Runi invitardu lii guietenaláʼdxiluʼ ni bidúʼyanu ca ora maʼ cayuundaluʼ Biblia, ti libru ni jma risaca ni runibiáʼ binni.
a Nuu stale modo rieeteʼ ca fecha riʼ. Lu folletu riʼ zaquiiñeʼ ca diidxaʼ: ante de ca dxi stiʼ Jesús (a.J.). Cadi guiaandaʼ lii gule Jesús lu iza 2 ante de iza 1 de ca dxi stinu. Ne ora gúʼyaluʼ (d.J.) riniʼni despué de ca dxi stiʼ Jesús. Ñee cada yaza zuuyaluʼ zaquiiñeʼ a.J. ne d.J.