GUENDARINABADIIDXAʼ 7
Xi ruzeeteʼ Biblia zazaaca ca dxi stinu
«Zucaa lú ti gobiernu sti gobiernu ne zucaa lú ti guidxi sti guidxi [...]. Ne neca ma cayaca irá nga la? laganna raqué ru nga bizulú enda naná que.»
«Laca ziasa stale profeta ma na ca de Dios zeeda caʼ, para usiguii si ca ne zabee chu ca stale binni. Ne ora ma bidale enda ruchee ndaani guidxilayú la? casi irá binni zusaana de ganaxhii saa.»
«Ora guna diaga tu uzeete cabe cayaca guerra o nabé naxoo nuu guerra la? cadi idxibi tu, purti napa ni xidé aca ni zacá peru cadi ma chi iluxe di ni ngue.»
«Zaca stale xu roʼ, ne stale guidxi zaca gubiña ne enda huará. Zaree xiixa ibáʼ ne zadxibi binni ora guʼya ni, ne laca zahuinni seña roʼ ibáʼ.»
«Laca naquiiñe gannu jma nagana zaca ni [lu ca últimu dxi]. Purti zuyubi binni para laa si, ne nisi bidxichi zacá ique caʼ. Zuni ca laaca nandxóʼ ne zaca ca nayáʼ, ne zaguiñe yu ca stiidxa Dios. Ma qué zuzuuba ca stiidxa jñaa ca ne bixhoze caʼ ne qué zulabi ca laacabe. Zabani ca modo na ique caʼ ne nin zanna ca pa nuu Dios. Qué zanaxhii ca binni ne qué ziá ca irutiʼ, ne nisi zazá ca zaníʼ ca binni. Qué zanda ucueeza ca laca laaca de guni ca ni na ique caʼ. Zuniná cabe binni ne zaca nanalaʼdxi cabe irá ni jneza. Zutoo cabe xhamigu cabe, ne qué zuni lú cabe guni cabe intiisi, ne zudxiiba cabe laca laacabe. Zuyubi cabe ni chuʼlaʼdxi cabe lugar de nuyubi cabe Dios. Zaná cabe runi cre cabe Dios, peru qué zusihuinni cabe enda nandxóʼ stiʼ. Qué chi idxaagu casi laacabe.»