Xi rizaaca ora gatiʼ binni

NUU BINNI RUNI CRÉ ribáninu sti lugar, peru xcaadxi riníʼ ique ora gatiʼ binni riluxe guiráʼ ni. Lii yaʼ, xi riníʼ íqueluʼ.

NI RUSIIDIʼ BIBLIA

«Cani maʼ guti la? qué lica gánnacaʼ gastiʼ» (Eclesiastés 9:5). Nga runi, ora gátinu la? riluxe guiráʼ ni.

XIRUʼ RUSIIDIʼ BIBLIA

• Rusiidiʼ ni ora gutiʼ Adán, primé hombre, bibiguetaʼ guca yú sti biaje (Génesis 2:7; 3:19). Zacaca nga rizaaca né guiráʼ ni rati, ribiguetaʼ rácacaʼ yú sti biaje (Eclesiastés 3:19, 20).

• Ora gatiʼ ti binni, rutiidilaʼdxiʼ Dios stonda (Romanos 6:7). Nga runi, ora gatiʼ ti binni maʼ qué zanda gaca castigar.

Ñee zanda guibani ca gueʼtuʼ sti biaje la?

XI NICÁBILUʼ YAʼ

• Zanda la?

• Qué zanda la?

• Zándaca la?

NI RUSIIDIʼ BIBLIA

«Zusibani Dios gueʼtuʼ» (Hechos 24:15).

XIRUʼ RUSIIDIʼ BIBLIA

• Nabé ruchaaga Biblia guendaguti casi ti bacaandaʼ (Juan 11:11-14). Zanda gucuaaniʼ Dios ca gueʼtuʼ cásica zanda gucuaaninu tuuxa ni nisiaasiʼ (Job 14:13-15).

• Lu Biblia cá ejemplu stiʼ chupa chonna binni ni biasa de lade gueʼtuʼ ne racané cani laanu para guni crenu dxandíʼ ziasa ca gueʼtuʼ (1 Reyes 17:17-24; Lucas 7:11-17; Juan 11:39-44).

Xii nga o tuu nga Binidxabaʼ

ÑEE NINIʼLUʼ Binidxabaʼ...

• ... ti espíritu laa.

• ... naca ti símbolo stiʼ ca cosa malu ni rúninu.

• ... ni ruxuiʼlú si binni ni.

NI RUSIIDIʼ BIBLIA

Guniʼné Binidxabaʼ Jesús ne gucalaʼdxiʼ nucaa laabe nucheenebe Dios (Mateo 4:1-4). Nga runi, qué zanda diʼ gaca Binidxabaʼ ti cosa ni riníʼ ique si binni o ti símbolo si stiʼ ca cosa malu ni rúninu. Dxandíʼ nuube ne guizáʼ malu laabe.

XIRUʼ RUSIIDIʼ BIBLIA

• Rusiidiʼ ni guca Binidxabaʼ ti ángel nachaʼhuiʼ, peru despué maʼ qué ñuu dxi niniʼbe «ni dxandíʼ» (Juan 8:44). Bisiguiibe ne bicaalube Dios.

• Xcaadxi ángel laaca yenándacaʼ ni biʼniʼ Binidxabaʼ (Apocalipsis 12:9).

• Rucaa Binidxabaʼ binni guiníʼ ique cadi dxandíʼ nuu (2 Corintios 4:4).

Ñee rucaa Binidxabaʼ binni guni ni na la?

NUU BINNI RUNI CRÉ ti cuentu si ndiʼ, ne nuu tu laa ridxibi chuʼ ca demonio ca lu xcuerpu. Lii yaʼ, xi riníʼ íqueluʼ.

NI RUSIIDIʼ BIBLIA

«Naaze dxiichi binidxaba idubi guidxilayú» (1 Juan 5:19). Stale cosa nga ni rucaa Binidxabaʼ binni guni, peru qué zanda diʼ chuʼbe lu xquendanabani guiráʼ binni.

XIRUʼ RUSIIDIʼ BIBLIA

• Rusiidiʼ ni nabé rusiguii Binidxabaʼ para gucaa binni guni ni na (2 Corintios 11:14).

• Nuu biaje zanda quite ca demonio ca ique tuuxa binni (Mateo 12:22).

• Zacané Dios lii gudxiiluluʼ Binidxabaʼ ne guixéleluʼ de laa (Santiago 4:7).