LECCIÓN 7

Información exactu ne convincente

Lucas 1:3

RESUMEN: Biquiiñeʼ información exactu para gacaneluʼ ca binni cucaadiaga lii guiénecaʼ stúbicaʼ xi caquiiñeʼ gúnicaʼ.

Biyubi fuente de información ni dxandíʼ. Lu Stiidxaʼ Dios nga cueeluʼ ni chiguiniʼluʼ ne biindaʼ ti textu stini ora gúʼyaluʼ zanda. Pa chiguzeeteluʼ xiixa de ciencia, ti noticia, ti experiencia o sti información, biiyaʼ chaahuiʼ pa dxandíʼ fuente ca ne nuu ni actualizadu.
Biquiiñeʼ ca fuente ca jneza. Ora gusiéneluʼ ti textu la?, biiyaʼ contextu stini, mensaje principal stiʼ Biblia ne stiʼ ca publicación ni rudii «mozo ni nuu xpiaani» (Mat. 24:45). Pa chiguzeeteluʼ de ti fuente seglar la?, biʼniʼ respetar contextu stini ne ni racalaʼdxiʼ binni ni bicaa ni.

Cadi guni exagerarluʼ ni guca, nin ti cifra. Guyuu cuidadu, ne cadi guchaaluʼ «caadxi binni» pur «stale binni», «nuu biaje» pur «siempre» o «zándaca» pur «dxandíʼ».
Gucané cani cucaadiaga lii guni razonar. Ora maʼ biindaluʼ ti textu o maʼ bizeeteluʼ xiixa fuente la?, biʼniʼ ti pregunta né tactu o gudixhe ti ejemplu ni gacané binni gudii cuenta stubi si xi naquiiñeʼ guni.