LECCIÓN 13

Bisihuinni ximodo gacané ni laacabe

Proverbios 3:21

RESUMEN: Gucané ca binni cucaadiaga lii gúʼyacaʼ ximodo zacané ni cusiidiluʼ cada tobi de laacaʼ ne biluíʼ laacabe xi naquiiñeʼ gúnicabe né información ca.

XIMODO GÚNILUʼ NI

Guníʼ ique ca binni cucaadiaga lii. Guníʼ ique xiñee caquiiñeʼ gucaadiaga binni ni chitídxiluʼ laacaʼ ne gulí ca puntu ni jma zanda gacané laacabe.
Bisihuinni xi naquiiñeʼ guni cani cucaadiaga ora maʼ cudiiluʼ ti presentación. Dede ora guzululuʼ, guiráʼ cani cucaadiaga lii naquiiñeʼ guiníʼ íquecaʼ: «¡Ndipeʼ nga ni caquiiñeʼ!». Ora guzeeteluʼ cada puntu principal, bisiene ximodo gúnicabe ni. Guníʼ xi zanda gúnicabe.

Ora gusiéneluʼ ximodo zanda chinándacabe xiixa principiu zeeda lu Biblia, biʼniʼ ni né cariñu ne guyuu lugar stícabe. Lugar de gucaaluʼ laacabe guni sentírcabe nápacabe donda la?, biʼniʼ stipa pur uquídxiluʼ fe stícabe ne guiroobaʼ guendarannaxhii nápacabe Dios. Gupa confianza zucaa ladxidóʼcabe laacabe gúnicabe ni jneza.