¿Xi zanda guni ca ni maʼ bichaganáʼ para chuʼ xquendaxheelacaʼ naguidxi?

Guizáʼ gunnaxhii Abrahán ne Sara ne gupasaacaʼ respetu (Gé 12:11-13; 1Pe 3:6). Peru cumu binni ruchee laacabe la? gúpacabe guendanagana. ¿Xi zanda guiziidiʼ ca ni maʼ bichaganáʼ de ejemplu bisaana Abrahán ne Sara?

Nabé risaca güitu diidxaʼ. Ora guiníʼ xheelaluʼ xiixa ni qué chuuláʼdxiluʼ purtiʼ cadxiichi o maʼ bidxaga la? biʼniʼ stipa guicábiluʼ laa né diidxaʼ nadóʼ (Gé 16:5, 6). Lacuee tiempu para chuʼtu juntu stúbisitu. Lagusihuinni nadxiisaatu pur ni guiniʼtu ne ni gúnitu. Ne ni jma risaca nga gúnitu ni ná Jehová: laguni estudiar, laguni orar ne laguni xhiiñaʼ Dios juntu (Ec 4:12). Ca xpinni Cristu ni maʼ bichaganáʼ ne runi stipa pur chuʼ xquendaxheelacaʼ naguidxi rusisácacaʼ Jehová, ni gudixhe chuʼ ni.

DESPUÉ DE GÚʼYALUʼ VIDEU NI LÁʼ ¿XIMODO ZANDA CHUʼ XQUENDAXHEELAʼ CA NI MAʼ BICHAGANÁʼ NAGUIDXI? ZANDA GUICÁBILUʼ CA PREGUNTA RIʼ:

• ¿Xi cusihuinni maʼ huaxiéʼ riuu Shaan ne Kiara juntu?

• ¿Xiñee risaca guiníʼ ca ni maʼ bichaganáʼ xi cayácacaʼ?

• ¿Ximodo gucané ejemplu stiʼ Abrahán ne Sara Shaan ne Kiara?

• ¿Xi biʼniʼ Shaan ne Kiara para chuʼ xquendaxheelacaʼ naguidxi?

• ¿Xiñee cadi naquiiñeʼ guiníʼ ique ca ni maʼ bichaganáʼ qué zápacaʼ guendanagana?