Modo iquiiñenu sección ni láʼ «Modo guinínenu binni»

Dede enero iza 2018 huaree sección ni láʼ «Modo guinínenu binni» lu primé yaza stiʼ Xhiiñaʼ Dios ne modo nabáninu. ¿Ximodo iquiiñenu ni jma jneza yaʼ?

Lu ca asignación estudiantil. Zanda iquiiñenu pregunta, textu ne pregunta ni guicábiluʼ sti biaje ni zeeda lu sección riʼ. Peru cadi naquiiñeʼ guni copiarnu ni riníʼcabe lu videu stiʼ presentación ca. Zanda guchaʼnu marco de circunstancia stinu, modo guzulunu o ca diidxaʼ guininu. Laaca zanda guni ofrecernu ti publicación ni zeeda lu kit de enseñanza neca cadi zeedani lu Xhiiñaʼ Dios ne modo nabáninu.

Lu predicación. Guyáʼ sección «Modo guinínenu binni» para gacané laanu gánnanu ximodo guni predicarnu jma jneza. Peru pa gusihuinni binni cayuni predicarnu interés zanda iquiiñenu pregunta ne textu stiʼ revisita ni zeeda lu sección ca. Laaca zanda iquiiñeluʼ textu ne idea stiʼ pregunta ca ne gúniluʼ presentación stiluʼ modo chuuláʼdxiluʼ o gúniluʼ ti presentación gadxé. ¿Ñee jma zucaadiaga binni laanu pa iquiiñenu tema o textu stiʼ sti beeu la? ¿Ñee jma zucaadiaga binni laanu pa guzéʼtenu ti noticia o xiixa ni guca neza ra nabézanu la? Zanda iquiiñenu sección riʼ modo rábinu jma ziuulaʼdxiʼ binni gucaadiaga laanu, cadi guiaandaʼ laanu ni racaláʼdxinu nga guni predicarnu ca noticia galán ra nuu jma binni (1Co 9:22, 23).