Ximodo zanda guiene chaahuiluʼ ni cusiidiʼ cada lección
Gunabaʼ gacané tuuxa lii para gúʼndaluʼ folletu riʼ. Zanda guinábaluʼ binni bidii lii folletu riʼ gusiidiʼ lii o gunabaʼ gusiidiʼ tuuxa lii lu sitiu nápadu lu Internet, jw.org.
PRIMÉ NDAA
Biindaʼ guiráʼ párrafo ni zeeda lu ndaa riʼ. Zeeda ca pregunta ca pur númeru (A) ne dieʼ ca textu stiʼ Biblia zeeda luni nayaaseʼ (B) ni rusihuinni gunáʼ nga ca idea jma risaca. Nuu biaje zuuyaluʼ cá cueʼ ca textu ca «biindaʼ» o «laguundaʼ».
GUIROPA NDAA
Primé párrafo stiʼ ndaa ni láʼ «Guizíʼdirunu jma» cusiene ni xi chiguiziidiluʼ raríʼ (C). Cá ti númeru cueʼ cada idea risaca (D). Biindaʼ ca textu zeeda luni, bicabi ca pregunta ca ne biiyaʼ cada videu (E).
Biindaʼ ca diidxaʼ ni cusiene cada imagen ne biiyaʼ xi cusiidicani lii (F), ne guníʼ ique ximodo guicábiluʼ ndaa ni láʼ «Nuu tu ná» (G).
GUIONNA NDAA
Cada lección riluxené ndaa ni láʼ «Xi bizíʼdinu» ne «Xi biziidiluʼ» (H). Bicaa dxi biluxe biindaluʼ cada lección. Zacané cuadru ni láʼ «Biʼniʼ stipa gúniluʼ ndiʼ» quixhe íqueluʼ gúniluʼ ni caziidiluʼ (I). Lu ndaa ni láʼ «Biiyaʼ xiruʼ zanda guiziidiluʼ» zadxélaluʼ xcaadxi tema ne videu ni zacané lii (J).
Ximodo guyúbiluʼ ti textu zeeda lu Biblia
Lu ca textu zeeda raríʼ riete lá libru ca modo zeeda ni lu Biblia (A), xi capítulo (B), ne xi versículo stini chiguiuunda (C). Casi pa guzeeteni Juan 17:3, modo guyúbinu ni nga «libru stiʼ Juan, capítulo 17, versículo 3».