Naca libru stiʼ Dios ti tesoro

1. Ti libru ni rudii guendanabani,

laaca ruxheleʼ ni lú de guiráʼ;

riguixhedxí ni ladxidóʼ de iranu

né esperanza ni cudii Jiobá.

Biquiiñeʼ Diuxi binni ni nachaʼhuiʼ,

para gucuá guidubi Stiidxabe.

Para gucuá guidubi naca Biblia,

laaca biquiiñebe stale poder.

2. Lu Biblia riete dxi guyáʼ de iráʼ ni,

ne ni bizáʼ guiráʼ ni nga Jiobá.

Laaca ruzeeteʼ ni de Binidxabaʼ,

dxi laa bicaalú Diuxi nuu guibáʼ.

Ne laaca riete de Adán ne Eva,

dxi qué nuzuubacaʼ stiidxaʼ Jiobá.

Pur nga guiranu gulenenu donda;

peru bixhózenu zulá de iráʼ.

3. Yanna caquiiñeʼ guiecheʼ de guiranu,

purtiʼ Jesús maʼ naca Rey guibáʼ.

Pur nga nayecheʼ runi predicarnu,

de iráʼ ca ndaayaʼ guedané Jiobá.

Lu Stiidxaʼ Diuxi zeeda de guiráʼ ni

pur nga guidúʼndanu ni guiráʼ dxi.

Nayecheʼ zuni Stiidxaʼ Dios de iranu,

laaca zudiini ti guendariuudxi.