Ca xiiñinu, ti regalu ni zeeda de Dios

1. Ora gápaluʼ ti xiiñuʼ,

ti regalu ni zeeda de Jiobá,

zaqueca nga naquiiñeʼ gannuʼ,

naroʼbaʼ dxiiñaʼ nuu lu nouʼ.

Lu náʼ Jiobá nuu endanabani

ne nácabe ti Dios ni rannaxhii,

ne para ganda usiiduʼ xiiñuʼ,

laasibe nga zacanebe lii.

2. Lii nga ni primé caquiiñeʼ

gannaxhiiluʼ ni ná lu Stiidxaʼ Dios,

ti óraca maʼ zanda usiiduʼ

guiráʼ cani ca xiiñiluʼ.

Bisiidiʼ laacabe ndaaniʼ liʼdxuʼ,

ora chiguiasuʼ ne ratiica si.

Stálepeʼ ndaayaʼ nga zacaacaʼ

pa gannaxhiicaʼ Dios ni dxandíʼ.