GUENDARINABADIIDXAʼ 6
Xi bizeeteʼ Biblia de Mesías
PROFECÍA
«De lii [Belén Efrata,] zaree tobi para naa ni guni mandar guidxi Israel.»
(Miqueas 5:2)
CUMPLIMIENTU
«Gule Jesús ndaani guidxi Belén de Judea dxi zuba rey Herodes. Ne ca dxi que bedandá caadxi hombre nuu xpiaani ne riene de luceru, ndaani guidxi Jerusalén, beeda ca de neza rindani gubidxá.»
PROFECÍA
«Gudiizicabe xhabaʼ lúcabe, ne guluucabe lari stinneʼ lu rifa.»
(Salmo 22:18)
CUMPLIMIENTU
«Biluxe si bicaa ca soldadu que laabe lu [yaga] ucuaa ca xhaba be biʼni ca ni tapa ndaa [...]. Peru túnica stibe que la? qué gapa ra diʼbaʼ, de ti ndaga si ni. Para uníʼ stiidxa ca cadi icheza ca ni, sínuque cuʼ ca ni rifa, guʼya ca tu cuee ni.»
PROFECÍA
«Laa cayapa dxita ládibe; nin tobi de laacani qué zache.»
(Salmo 34:20)
CUMPLIMIENTU
«Peru ora bidxiña ca ra nuu [Jesús], biiya ca ma guti be, ma qué niguza ca ñee be.»
PROFECÍA
«Bininácabe laabe pur ca donda stinu.»
(Isaías 53:5)
CUMPLIMIENTU
«Peru bindizi tobi de ca soldadu que ti lanza xcustiá be, ne óraque biree rini ne nisa.»
PROFECÍA
«Óraque bidiicabe naa 30 pieza de plata saca dxi dxiiñaʼ stinneʼ.»
(Zacarías 11:12, 13)
CUMPLIMIENTU
«Oraque uyé Judas Iscariote, tobi de ca discípulu sti Jesús que, ra nuu ca xaíque sti ca sacerdote. Ne na rabi laacaʼ: “Pagala udii tu naa saca gulué laabe laatu”. Ne óraque bidii ca laabe treinta moneda de plata.»