LECCIÓN 51
Ximodo zanda gusiéchenu Jehová ora guininu
Dxi bizáʼ Jehová laanu, bidiibe laanu ti regalu nabé galán: iquiiñenu ruaanu para guininu. ¿Ñee risaca para Jehová modo iquiiñenu regalu riʼ la? ¡Risaca pue! (Biindaʼ Santiago 1:26). Nga runi, ¿ximodo zanda gusiéchenu Jehová ora guininu yaʼ?
1. ¿Ximodo iquiiñenu regalu bidii Jehová laanu jneza?
Biblia ná: «Lauguusaa gana laatu» (1 Tesalonicenses 5:11). ¿Ñee runibiaʼluʼ tuuxa ni caquiiñeʼ cúʼcabe gana laa la? ¿Ñee zanda gúniluʼ xiixa para guni sentirbe galán la? Zanda gábiluʼ laabe pabiáʼ rusisácaluʼ laabe. Laaca zanda gábiluʼ laabe ca cosa galán ni rúnibe. ¿Ñee rietenaláʼdxiluʼ xiixa textu zeeda lu Biblia ni zanda cuʼ gana tuuxa binni ni runibiaʼluʼ la? Nuu stale textu zanda iquiiñeluʼ. Peru cadi guiaandaʼ lii pur modo guiniʼluʼ ne ca diidxaʼ ni gábiluʼ tuuxa zanda gacaneluʼ laa o guninaluʼ laa. Nga runi, siempre guníʼ né diidxaʼ nadóʼ ne guca nachaʼhuiʼ (Proverbios 15:1).
2. ¿Xii nga ni cadi naquiiñeʼ guininu?
Biblia ná: «Cadi guiniʼtu diidxaʼ ni guniná» (biindaʼ Efesios 4:29). Ni ná textu riʼ nga cadi naquiiñeʼ guininu diidxaʼ guidxa, nin guininu diidxaʼ para guninanu o gusituinu lú tuuxa. Laaca cadi naquiiñeʼ guininu chisme o guininu mal de tuuxa para guninanu laa (biindaʼ Proverbios 16:28).
3. ¿Xi zanda gúninu para cuʼnu gana xcaadxi?
Stale biaje rusihuinni ca ni rininu xi riníʼ íquenu ne xi runi sentirnu (Lucas 6:45). Nga runi, cadi gusaana de guiníʼ íquenu cosa ni gacané, cosa ni nayá, ni gucaa stobi gannaxhii ne gusisaca binni (Filipenses 4:8). Ne para ganda gúninu ni naquiiñeʼ gápanu cuidadu xi cosa ribinu gúninu para chuʼnu nayecheʼ, casi música ni rucaʼdiáganu, ca ni ridúʼyanu o ca ni riguítenu, ne laaca naquiiñeʼ cuí chaahuinu tu gaca xhamígunu (Proverbios 13:20). Sti cosa ni zanda gacané laanu nga guiníʼ íquenu ante guininu xiixa. Guníʼ ique pa zacaneluʼ o zuninaluʼ tuuxa binni pur ni gábiluʼ laa. Biblia ná: «Zeeda gaca ca diidxaʼ ni riníʼ ti binni sin guiníʼ ique casi ora ridaabi ti espada, peru ca diidxaʼ ni riníʼ ti binni nuu xpiaaniʼ la? rusianda ni ra nuu ti herida» (Proverbios 12:18).
GUIZÍʼDIRUNU JMA
Guidúʼyanu xi zanda gúninu para gusiéchenu Jehová ne cuʼnu gana xcaadxi pur ni guininu.
4. Gupa cuidadu né ni guiniʼluʼ
Guiranu huaninu xiixa ne despué raca arrepentirnu (Santiago 3:2). Laguundaʼ Gálatas 5:22, 23 ne laiquiiñeʼ ca pregunta riʼ para güitu diidxaʼ:
Para ganda gucueezaluʼ ni riniʼluʼ ne modo riniʼluʼ, ¿gunáʼ de ca cualidad riʼ ninábaluʼ Jehová? ¿Ximodo zanda gacané ca cualidad riʼ lii yaʼ?
Laguundaʼ 1 Corintios 15:33 ne laiquiiñeʼ ca pregunta riʼ para güitu diidxaʼ:
¿Ñee zanda guchaaluʼ modo riniʼluʼ pur ca binni ni guidxaagaluʼ ne pur entretenimientu cuiluʼ la? ¿Ximodo zanda gaca ndiʼ yaʼ?
¿Xi zanda gucaa lii guchaaluʼ modo riniʼluʼ?
Laguundaʼ Eclesiastés 3:1, 7 ne laiquiiñeʼ pregunta riʼ para güitu diidxaʼ:
¿Pora rábiluʼ jma galán cadi guiniʼluʼ gastiʼ ne cuézaluʼ para guiniʼluʼ xiixa?
5. Guníʼ bien de xcaadxi
¿Xi zanda gacané laanu para cadi guninanu xcaadxi binni pur ni guininu? Laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
¿Xiñee gudixhe ique hermanu ni bihuinni lu videu riʼ guchaa modo riníʼ de xcaadxi binni?
¿Xi bíʼnibe para bichaabe?
Laguundaʼ Eclesiastés 7:16 ne laiquiiñeʼ pregunta riʼ para güitu diidxaʼ:
¿Xi caquiiñeʼ guietenaláʼdxinu ora gacaláʼdxinu guininu mal de sti binni?
Laguundaʼ Eclesiastés 7:21, 22 ne laiquiiñeʼ ca pregunta riʼ para güitu diidxaʼ:
¿Ñee zanda gacané ca versículo riʼ lii para guni controlarluʼ ni runi sentirluʼ ora guiníʼ tuuxa mal de lii la? ¿Xiñee rábiluʼ zacá ni yaʼ?
6. Guinínenu familia stinu né diidxaʼ nadóʼ
Racalaʼdxiʼ Jehová guinínenu familia stinu né cariñu ne guendanachaʼhuiʼ. Laguuyaʼ VIDEU riʼ ne laiquiiñeʼ ca pregunta riʼ para güitu diidxaʼ:
¿Xi zacané lii para guiníʼneluʼ familia stiluʼ né diidxaʼ nadóʼ?
Laguundaʼ Efesios 4:31, 32 ne laiquiiñeʼ pregunta riʼ para güitu diidxaʼ:
¿Ximodo zanda guinínenu familia stinu para guni sentircaʼ galán?
Qué nucaachiʼ Jehová ni runi sentir pur Jesús. Laguundaʼ Mateo 17:5 ne laiquiiñeʼ pregunta riʼ para güitu diidxaʼ:
¿Ximodo zanda chinándaluʼ ejemplu stiʼ Jehová ora guiníʼneluʼ familia stiluʼ?
Biyubi guni felicitarluʼ xcaadxi pur ca cosa galán ni runi.
NUU TU NÁ: «Neca qué chuuláʼdxicabe peru naa zacá nga rinieeʼ».
¿Ñee rábiluʼ jneza guiníʼ íquenu zacá la? ¿Xiñee riníʼ íqueluʼ zacá yaʼ?
XI BIZÍʼDINU
Zanda guninanu o gacanenu sti binni pur ca diidxaʼ ni guininu. Caquiiñeʼ guiníʼ ique chaahuinu xi chiguininu, pora guininu ne ximodo gúninu ni.
Xi biziidiluʼ
¿Ximodo zanda gacaneluʼ sti binni pur ni gábiluʼ laa?
¿Xii nga ca cosa ni naquiiñeʼ gápaluʼ cuidadu ora guiniʼluʼ?
¿Xi zacané lii guiniʼluʼ diidxaʼ ni cuʼ gana stobi ne gácaluʼ nachaʼhuiʼ ora gúniluʼ ni?
BIIYAʼ XIRUʼ ZANDA GUIZIIDILUʼ
¿Xi zanda gacané laanu para guininu diidxaʼ ni cuʼ gana?
Biiyaʼ xi zanda gacané lii para cadi guiniʼluʼ diidxaʼ guidxa.
«¿Xiñee cadi jneza guiniʼluʼ diidxaʼ guidxa?» (Tema ni zeeda lu jw.org)
Biiyaʼ xi zanda gúniluʼ para cadi gácaluʼ ti binni ni riníʼ chisme.
Biiyaʼ ximodo gucané Jehová ti hombre ni guca nagana para laa gusaana de guiníʼ diidxaʼ guidxa.
«Bizulú guníʼ iqueʼ xi cayuneniáʼ xquendanabaneʼ» (Torre stiʼ ni rapa, 1 de agosto de 2013)