Ni runi cré binni 3: Rié guiráʼ binni nachaʼhuiʼ guibáʼ
Ximodo biasastí ni. Ra biuʼnu lu siglu II, dxi maʼ guti ca apóstol stiʼ Jesús que, bizulú bihuinni ti grupu de teólogo ni runibiáʼcabe casi Padres de la Iglesia (o cani gudixhestí ni runi cré ca católicu). Ti enciclopedia na: «Bisiidicabe rié alma ni nuu lu cuerpu stiʼ binni guibáʼ, cásipeʼ gúnicabe xiixa para gusiácabe alma ca despué de gati» (New Catholic Encyclopedia, 2003).
Xi rusiidiʼ Biblia. «Dichoso ni nadóʼ purti zudii Dios laaca guidxilayú.» (Mateo 5:5.)
Nécapeʼ gudxi Jesús ca discípulo stiʼ chiguni chaahuiʼ ti lugar para laacabe guibáʼ la? qué niníʼdibe zie guiráʼ ca binni nachaʼhuiʼ racá (Juan 3:13; 14:2, 3). Guietenaláʼdxinu biʼniʼ orarbe para gaca ni na Dios guibáʼ, peru cadi racá si, sínuque ne «ndaani guidxilayú» (Mateo 6:9, 10). Pur cani maʼ guninu ca, rihuinni nuu chupa lugar ra zabani ca binni runi ni jneza. Caadxi de laacabe zie guibáʼ para guni mandarné Cristu, peru jma stale zabani ndaaniʼ Guidxilayú riʼ sin gáticaʼ (Apocalipsis 5:10).
Ra gudiʼdiʼ tiempu, bichaa ca xaíque yuʼduʼ ni guyuu primé que dxiiñaʼ ni naquiiñeʼ guni Yuʼduʼ (Religión católica) que ndaaniʼ Guidxilayú. Ti enciclopedia cusiene «chaahuidugá biuu Yuʼduʼ que lugar stiʼ Reinu stiʼ Dios ni cabeza binni» (The New Encyclopædia Britannica). Para gapa Yuʼduʼ que jma binni la? biuu ca xaíque stícabe lu política, neca Jesús maca guníʼ cadi naquiiñeʼ chinanda ca xpinni binni guidxilayú (Juan 15:19; 17:14-16; 18:36). Dxi biʼniʼ mandar emperador Constantino de Roma que, gucuaa ca xaíque yuʼduʼ lugar para guchaacaʼ caadxi de ca cosa ni maca runi crecaʼ. Tobi de laacani nga ximodo beeda chuu Dios.
Biindaʼ ca versículo riʼ: Salmo 37:10, 11, 29; Juan 17:3; 2 Timoteo 2:11, 12.
NI DXANDÍʼ:
Cadi guiráʼ diʼ binni nachaʼhuiʼ nga zie guibáʼ, stale de laacabe zabani sin gati ndaaniʼ Guidxilayú riʼ.
[Paraa gucuaacabe dibuju o foto ni zeeda lu yaza 6]
Art Resource, NY