Ñee rudii ca testigu stiʼ Jehová diezmu la?

Coʼ. Ca testigu stiʼ Jehová qué rudiʼdu diezmu. Para gaca dxiiñaʼ rúnidu riquiiñedu bueltu rudii binni biaʼ náʼ ladxidóʼ ne guirutiʼ ranna lá cani rudii xiixa. Yanna, padé nga zeeda costumbre gudii binni diezmu ne xiñee qué rinanda ca testigu stiʼ Jehová ni yaʼ.

Lu Ley gucuaa guidxi Israel ni guyuu dxiqué zeeda gudiicaʼ diezmu —chii ndaa de ni nápacaʼ— ca sacerdote. Nayaguieʼ rusiene Biblia cadi naquiiñeʼ chinanda ca xpinni Cristu Ley riʼ. Nga runi, guirutiʼ zanda gucaa laanu gudiʼnu diezmu yanna (Hebreos 7:5, 18; Colosenses 2:13, 14).

Nga runi, laadu ca testigu stiʼ Jehová, lugar de gudiʼdu diezmu o sti tipu ofrenda la? rúnidu casi biʼniʼ ca primé xpinni Cristu. Chupa modo nga gucanécabe ca binni ridagulisaa: bidiicabe ni nápacabe de guidubi ladxidóʼcabe ne guníʼcabe ne bisiidicabe cani zeeda lu Biblia sin guiáxacabe.

Biáʼsipeʼ ni bíʼnicabe riʼ nga ruzeeteʼ principiu zeeda lu Biblia ra na: «Cada tobi udii biaʼ ruluiʼlaʼdxiʼ, ne cadi acaná ladxidóʼ ti ma bidii ni, nin udii ni purti canaba cabe ni laa, purti nadxii Dios ni rudii ni laa de idubi ladxidóʼ» (2 Corintios 9:7).