Oni Ini Gipai Re?

Wai du aboro anaatinda we bakuru kusayo?

GU PANGBANGA nga ga Ziazia Kekeapai du rogo Bambata Pai 22:6 nagumba gupai nga tipa Abarayama ndu ka fu motumo rogo gu rago naadu ni tuturũ he, ko adi “nyake tipa zozo motumo, ki moi he ku ri Yisaka nangia wiriko; ko ki di we ku beko na sape. I ki mongo nindu andu wa sa.”

Ziazia Kekeapai afuranga tipa gupai aboro anaamangaha ka ziga we bakuru kusayo te. Nibipa gu pangbanga re, kura bafura tipa apai sa ape gupai tipa gu nunguro Abarayama na Yisaka anduhe re nga, “si aima mbu ka tinda ngatingati we ngba gu nunguro re.” Sidu, si rengbe kadu nga guhe i nafura tipaha re angia guhe si aaidaha tipa ka ziga we.

Ono tie, kura aboro nape gupai nga, taatapai nangiaha ka ziga we bakuru kusayo te. Si arengbe kadu taata fu aboro i di kingiriwe be gayo amurakporo kuba gupai nga ka asada ka ziga we nitiyo. Sidu tie, badungu wene abawirikipai idi kuti gupai nga guhe Abarayama atindihe angia pere, nga gu si angera wa si adu ni asi asihe ti azogbo, naadu na kingiriwe rogoho nga gu i agboroka ha ti gu gburukawe i ara pati ni ni gu yuru re. (Isa. 30:14) I aima rengba ka mangasunge na sakiri gbiati gu kingiriwe i aatindaha re tipa ka ziga we ho i anida ni rogo gu ba ti regbo gu nunguro re