Agu Apai Du Rogoho

Si naida aKristano du na ruru bipai tipa wai ka fu irisa. Ada rẽ tipa i fu irisa fuyo? Na tipagine i narẽ ti ni? Gi kekeapai re nika undo rani ani karagapai kuti agu asanahe re, na si nika yugopa gu wenepai du ti fu irisa fu agu aboro rẽhe fuyo.

Ringbisihe kuti Ziazia Kekeapai, si aidanga ani du ni agu aboro aidanga ka manga diaberã ya te. Ono tipagine si aida ani mangi wene adiaberã ti ni? Gine nika undo rani ani mangi wene adiaberã? Na ya mo kura aregbo ho si aida ani aria gu diaberã ani naima mangaha? Gi kekeapai re nika undo rani ani karagapai kuti agu asanahe re.

Ani dunduko namanga aingahe amanga mbiko ani nga kpakpa aboro. Ono tie, ya mo gure nayugo gupai nga ka ani sanga ngbarago ti Yekova te? Rogo gi kekeapai du ue re, ani ka sakapai tipa akpiapai nga ga abakindo biama nangia ga Yuda na agu aingahe i amangihe nga gu agu akuraha aima du ni kerehe. Ono wa si avura duwo, Yekova abi agu abakindo re nga ngbaduyo yo adu dunduko fuko. Ya mo Mbori abi rani nga kpotoraniyo dunduko koyo du ko ni si ki vura du vurũ nga ani namanga aingahe amanga?