Mo Nabi Raka Kumbatayo Wai?

GUPAI BAIBIRI APEHE

“Mbori . . . awéga aume ti bangiriyo ku sa yo dunduko. Kpio adú nga berewe te, rungo adú nga yo na akpe na ima a te, bambiko bambata apai aima nyasa.”​—Yugoti 21:3, 4, Ziazia Kekeapai, 1978.

WAI RENGBE GUPAI RE KA UNDO RO

Aboro nikaa manga ndikidi wene asunge.​—Yesaya 65:21-23.

Kaza gbiati rungo adunga berewe te.​—Yesaya 25:8; 33:24.

Aboro araka na gayo aborokporo na abakureayo na ngbarago nyeanye kindi.​—Atambuahe 37:11, 29.

YA MO NDUPAI HO NZUNZU ANI IDI KUTI GUPAI BAIBIRI APEHE?

Ii, ani bingo nduapai ue:

• Mbori na rengba beko ka digiso gako akidohe. Rogo Baibiri, kina Yekova Mbori sa i aya tiko gu “Mbori du na tandu apai dũ.” Ko na gu ome tiko adunga digidoho ti ni ya. (Yugoti 15:3) Ko ima rengba ka digiso gako kidohe ka sa zegino nibawenehe. Baibiri nape gupai nga: “Ka Mbori mangi apai amanga dunduko.”​—Matayo 19:26.

• Mbori na nyemu ka digiso gako akidohe. Nikpiapai, Yekova na nyemu ka zingisa agu aboro naima kpi tipa i raki berewe.​—Eyobo 14:14, 15.

  Baibiri nayugo gupai a nga Wiri Mbori nga Yesu ahusi aborokaza. Tipagine ko amangi gupai re ti ni? Bambiko ko aima kpinyemu ka mangaha wo. (Marako 1:40, 41) Ko adu na nyemu ka undo aboro teketeke wakina Bako.​—Yoane 14:9.

  Sidu tie, ani rengbe kadu na gu kido nga Yekova na Yesu nakpinyemu ka undo rani ani du na ngbarago kumbatayo!​—Atambuahe 72:12-14; 145:16; 2 Petero 3:9.