Yakobo na Esau Ambakadi Gayo Pagume

Yekova akido Yakobo nga ko nika bandako kina wai ko abanda Abarayama na Yisaka. Yakobo araki rogo gu ba nga Arana, yo du ko amangi rogatise ni, na gako aborokporo ki nge ni bakerehe, na ko ki da a na bakere kumuko beko.

Niyangaraha, Yekova aya fu Yakobo: ‘Mo ga ku rogo gamo ringara.’ Yakobo na gako aborokporo ki tona gbanga nunguro ka nga ga gate. Ho ko adu ni gene, kura aboro aye fuoko na ki ya fuko wẽ: ‘Wirinamo nga Esau naye na akumba fuo ko nga 400!’ Yakobo adu na bakere gunde nga Esau naida ka manga fuko gbegberẽ. Ko akpari fu Yekova nga: ‘Mo batasi re be wirinami.’ Fuo girarago Yakobo akedi gamahe fu Esau nga dungu akandoro, ameme, akameri, na adongi.

Rogo gu yuru re, ho Yakobo adu ni nisako, ko abi maraika! Maraika atona ka takpata na ko. I atakpata da ku wiso. Wa si avura du nga kerepai amangi Yakobo, ko aambunga takpata te. Maraika aya: ‘Mo mbure mi ndu.’ Ono Yakobo ki ya: ‘Mo du wa ka mo fu maku fere mbata.’

Maraika afu maku niyangaraha fu Yakobo. Awere Yakobo ima ino gupai nga Yekova ambunga Esau berewe ko mangi fuko gbegberẽ te.

Rogo gu uru re Yakobo angere tuturũ na ki bi Esau na akumba 400. Yakobo ambu gako aborokporo sayo na ki pe wirinako na ki tumusa fuko bara saba. Esau aoro ka dusio Yakobo na ki dungo ko. I ue dunduko atona ka kpara. Mo nabihe nga ga Yekova bipai angia gine tipa wai Yakobo amangipai kuti gupai re?

Kusa, Esau aga ku kpuko yo, na Yakobo ki ga ku kpuko yo a. Akumbagude adu be Yakobo 12. Arimoyo angia Rubena, Simona, Revi, Yuda, Dana, Nafatari, Gada, Asera, Yisasakara, Zeburuna, Yosefa, na Benyamina. Gude sa dagba agu agude re nangia Yosefa—Yekova amangisunge na ko ka batasi Gako aboro. Mo ini gupai namangi? Ani bingoho.