Tonatona Afugo Nga ga Paparaha 9

Gi paparaha re nayugopai furani tipa gu paranga aboro, anebi gbiati agu abakindo naadu na iˈiriwo idapase kuti Yekova. Suria yo, tooni degude ni boro Yisaraere adu na idapase nga, ga Yekova nebi nika husa Namana ahusa. Gu nebi nangia Erisa adu na bakere kido nga Yekova nika bandako abanda be ga avurako asekere. Gu Gbiamotumo nangia Yoyada amoi gako raka ngbapai yo tipa ka banda tooni Yoasa be titako nga Ataraya nangia gbegberẽ boro. Gu Bakindo nangia Izikiya adu na kido nga Yekova nika batasa Yerusarema abatasa, na ko aambunga tiko fu gu serekpohe nangia ga aAsuro te. Gu Bakindo nangia Yosiya adi irisokpiahe kusayo rogo ringara, ki karaga yekaru kubaha, na ki sa aboro i karagatiyo kuti ndikidi irisombori.