Ga Mbori Buku Nga Nyanyakipa Ũkumuko

1. Buku gudu ho na dungu akpehe,

Si nafu zereda na ngbarago.

Afugoho na bakere tandu gbe;

Si nazaka bangiri aboro.

Gu buku re nga Ziazia Kekeapai.

Agu aboro nakehe angia,

Agu akumba nakpinyemu Mbori.

Gako ziazia toro narugu yo.

2. I akepa wai ahe dũ aenge,

Wai Mbori akusihe ni tandu.

Na pa wai ko akusi kumba na dee

Na pa wai Paradizo aingi.

I apepa wai Satana azingi

Kuti ga Mbori bakere pagbia.

Si aye na rungo kurii aboro,

Ono Yekova nika dia beko.

3. Regbo da tie ani ngi na ngbarago,

Wiri Mbori ma da ni Bakindo.

Ani tungusi pangbanga Kindo gbe

Ka pepa gu wene apai naye.

Gi wene apai re ro gi buku re;

Si nga wene riahe nga ga toro.

Si nafu zereda fu berãrani;

Gi buku re ani gedihe gbe.