Oni Undo Yó I ‘Ru na Gayo Idapase Nyanyaki’

Si nipa ngbarago ka bi wai Yekova afu maku kurii gu sunge nga ga ye na aboro kurogo riigbu. Rogo agarã dunduko, bange agu aboro nazio bapatiza ima susa 250,000. (Pa Rug. 28:2) Bara sa kindi batungusipai aundo boro ní zi bapatiza, si taata tipa bangirini go ti gu boro re ní ki tona maa berani fuo gu kura aboro tipa ka undo yó i ye kurogo rengo. Gu boro nga ní zi bapatiza barambeda re rengbe a ka mbu wirikapai ki fu tiní sa tungusapai. Ono tie, si ni nyanyakipa pai tipa boro du niwene duadua ní rogo rengo yo. Si naida ‘tarãni’ rimi wenengai rogo Kristo yo na ní ki ‘ru na gani idapase nyanyaki.’ (Koro. 2:6, 7; 2 Tim. 3:12) Sidu, tifuo boro zi bapatiza, si naida ní ndu kindi kumbatayo na gani wirikapai daho ní ka nyasa agu abuku ni nga Ziazia Kekeapai Ayugoho gbiati “God’s Love.”​—Oni bi gu Gaani Sunge Nga ga Kindo nga ga Zerekpe 2011, kpewaraga 2.