Gu Mbakadatise si Aidaha Tipa ka Tungusapai na Birĩ

I asana Yesu na bangisa sanahe nibipa nyeanye unga ti aregbo ue, ono ti agu aregbo re dunduko, ko ani karagapai ringbisihe na gupai si aidi gu boro re inihe. (Rk. 10:25-28; 18:18-20) Sidu, ka ani vura ino gupai ani awirikaha na boro wenengai, si naida ani mbakadihe ambakada mbu regbo koyo kindi na pa ni berãrani yo. Gini apai rengbe ka du ni mbumbuhe tipa ni girogoyo watadu tipa ni da kutini? Gini veresi dagba agu averesi duho si aida ani gedihe na ni? Bange agenewaraga wai si aida ani wirikihe ti gu regbo re? Ani ima rengba a ka mbakada kpiapai, gene sakarogopai yo, watadu asanahe nga gu rengbe ka undo ni ni gi rogo gupai yo ani nika wirikaha. Kurigure, wa duhe nga Yekova du nasa tunga rengo si sono ngbaduse yo, si naida ani sanako tipa gako maku kurii mbakadatise tipa wirikapai, kurii gu boro ani awirikapai na ni, na kurii gu ome ani amangaha tipa ka undo ni rogo toro yo.—1 Kor. 3:6; Yak. 1:5.