Wai ka Fu Wene Karagapai

Wene akaragapai nasonosa dungurati. (Rom 14:19) Na agu aboro nafuhe nagbia undo agbia behe nitiyo. (Snz 15:23, 28) Sidu, si naida ani mangi asadatise tipa kaa fu karagapai kandara sa ti regbo adunguratise dunduko. Rengo ngaha nga, ani arengbanga ka gbia momu ti agu aregbo dunduko ani aya berani kuari te. Sidu, si ngba angba tipa kaa mbakada dungu akaragapai.

Wene karagapai . . .

• ni taataha, ziazia, na ni wiri guruhe. Rogo dungu agene, si rengbe kadu vuru asekonde 30 watadu kusende ti ni

• naye kina boro ngbaduse yo

• gbua nga ka pe kina gu bangisapai kura boro ni ima pehe te

Ka sidu nga mo i nayambu ro mbata . . .

• mo fu taata karagapai nibasa kina kuti sanahe

Ka sidu nga i ima fu karagapai kuti sanahe, mo rengbe . . .

• ka yugo wai gu veresi ke yo kina paha gbua andu na gupai i asakapai tipaha

• ka yugo wai rengbe gupai re ka manga ariapai rogo gaani raka yo

• ka sakapa wai rengbe aboro ka mangapai kuti agu atingidapai re

• ka gumba wiri guru pangbanga tipa nyakasa banguapai