Mo Naadia Regbo na Agu Aboro Nakpinyemu Yekova

Tipagine si aida ani naadia regbo tini na agu aboro nakpinyemu Yekova? Bambiko agu aboro ani adia regbo na yo ima rengba ka undo rani ani mangi agu apai du ni wenehe watadu i ima rengba ka ngarasa rani ani mangi gupai du ni irairaha. (Snz 13:20) Ni kpiapai, Bakindo Yoasa amangi “gu pai naru aru bangiri Yekova” mbiko wa ko aadia regbo na gu gbiamotumo nangia Yoyada. (2Pka 24:2) Tingbafuo Yoyada kpi, Yoasa ambu pekafuo Yekova mbiko gbegberẽ kpamiatise.​—2Pka 24:17-​19.

Rogo bambata sa kama agarã, gu mokedi nangia Pauro aringbisi gu dungurati nga ga aKristano kuti “bakere bambu” na ki ringbisi agu aboro du rogo dungurati kuti “aũsunge,” watadu agu ahe du rogo bambu. Ani nanye ni “ũsunge sa irisa” ho ani ane mbembedi kodatise ni na ai gu boro, zavura gaani borokporo watadu gu boro du rogo dungurati namanga gupai Yekova asogaha. (2Tim 2:​20, 21) Sidu tie, ani naandunga andu kindi kumbatayo kaa zio bakure na agu aboro nakpinyemu Yekova na nangarasa rani ani naairiso ko.

ONI BI GU VIDIO NGA, ONI WIRIKI WAI KA NE GBEGBERẼ KPAMIATISE, NA FUOHO, ONI KI KARAGAPAI KUTI AGI ASANAHE DU KU SENDE RE:

• Wai gu rengbe ani kaa dia regbo na gbegberẽ aboro ka ani ainongo ho ya?

• Rogo gu yuguyugu kpiapai re, ginipai naaundo aKristano biata i mbu gbegberẽ kpamiatise?

• Gini bangua arengo nga ga Baibiri rengbe ka undoro mo sia abakure na tatamana?