MO FU TIRO SA SUNGE TUNGUSAPAI | ONI KIISI GAONI NGBARAGO GENE TUNGUSAPAI YO
Oni Mangisunge na Gaani Aũweteka Apai
Yekova nafu aũsunge wa gu nga, avidio, atrakte, amagazini, aburosua, abuku gbiati gu gaani nyanyaki ũsunge nga Baibiri tipa ani yugupai wenengai. (2Ti 3:16) Ko nafu aũweteka pai nga gu rengbe ka undo rani tipa ani saki rogo Ziazia Kekeapai yo. Agi aũweteka pai re nakoda Watchtower Library, JW Library® app, Watchtower ONLINE LIBRARY™, gbiati Research Guide for Jehovah’s Witnesses.
Mo nika du na bakere ngbarago a wa mo nikaa weteka gu nyanyakipa ahe du ho foro. Mo raba gamo bawirikipai ni ini wai ka mangasunge na agi aũsunge re. Na i nika du a na ngbarago ka gbia akaragapai kuti gayo asasanahe nga ga Baibiri.
ONI BI GU VIDIO NGA ONI GBIA GU NGBARAGO DU TI SA ABORO NI ABAWIRIKI—ONI DI GU UNDO KUGUME YEKOVA AFUHE—ONI MANGISUNGE NA GAANI AŨWETEKA APAI, NA FUOHO ONI KI KARAGAPAI KUTI AGI ASANAHE RE:
Gini sanahe Jade asanaha nibipa kusikusi ahe?
Wari gu Neeta agbia gu kura apai ni tipa gu sanahe re?
Ho ani agbia aũkumuko nga ga Ziazia Kekeapai ni na kini fura tipaha na kura aboro si naye na bakere ngbarago furani
Waigu ri asia agu apai nadu ni wenehe tipa gupai naadu tipa Jade?
Gini sangbanapai pa mangasunge na gaani aũweteka adu na ni kurii Neeta?