Tipagine Mbori Akaraganga Pai ti ni Kuti Akparakpee Dunduko Ya?
Barani du ngbangbaturũ yo nga Yekova Mbori, na nyemu ka degatuko kuti gu gaani akparakpee naye kina boro ngbaduse yo. Ono apai kinaho nga gu niima rengba ka sako ka ko karaganga pai kuti gaani akparakpee ya. Gini apai du ngaha, na ginipai si aida ani moihe ku berãrani yo ho ani amanga kparakpee ni? Bete arugute nga ga Ziazia Kekeapai gere.
‘Wa oni akpara ka oni kpari nga ni dogodi gu kpe ni ba sa sa ya.’—Matayo 6:7.
Yekova aidanga ani dogodi kina bangisa kparakpee fuko nga gu ani aima zioho kurirani yo watadu ka gedaha rogo gu buku nga ga kparakpee te. Kuba gure, ko naida ani fura fuko kina boro ngbadurani yo. Mo berẽnga pa wai rago narengbe ka gberã tiro ka si du nga bakureamo gu duho naida kaa dogoda kina bangisa afugo foro na aˈuru dunduko. Wene abakure nidu gbaiga fu akurayo na kini gumba kina boro rengo kpotoyo yo. Ho ani agumba kina boro agu afugo ni naye kpotorani yo ti gu regbo ani akpara fu gu barani du ngbangbaturũ yo, si nayugo gupai nga ani nabiko ni bakurearani.
‘Oni nasana he tigu, ka si adu nga be roni ya, bambiko oni nasana gbegberẽ sana he.’—Yakoba 4:3.
Ani ima rugatirani na gupai nga, Mbori arengbanga ka karagapai kuti gaani akparakpee te, ka si du nga ani nasanahe tipa agu apai ani naima ino ho nga ko aidanga ani mangihe te. Ni kpiapai, ya mo Yekova rengbe ka karagapai kuti gu kparakpee boro amangaha tipa gupai nga kadu na diabese rogo ba akẽ yo, baraho ko naima fu zahe ni tipa gupai nga ga du na ngbaduse gbiati ida kuti ambori wenepia? (Yesaya 65:11; Ruka 12:15) Ani arengbanga ka ida gupai nga Yekova karagapai kuti gu ngbatunga akparakpee re te! Tipa gupai nga Mbori karagapai furani ho ani amanga kparakpee ni fuko, si naida ani moiberãrani nga agu apai ani akpara fuko tipaha, si na ngbanya dagbaha na gupai ko agumbaha furani rogo Ziazia Kekeapai yo.
‘Ka boro di tuni ku sa yo ti gia sangba ndika, zavura gani kpe si ni kina kere gbegberẽpai.’—Asanza 28:9.
Ti agu aregbo i aakeka Ziazia Kekeapai ti ni, Mbori anaadeganga tuko fu agu aboro nanaabasa sangba gako andiko te. (Yesaya 1:15, 16) Ga Mbori berãpai aˈarianga tihe te. (Maraki 3:6) Ka ani aida gupai nga Mbori karagapai kuti gaani akparakpee, ani du wa ka ani aaraka ringbisihe kuti gako andiko. Ono tie, na ka si du nga ani amangi agu apai kusayo naadu ni gbegberẽhe? Ya mo gure nayugo gupai nga Yekova adeganga tuko furani berewe te? Wagusa te! Mbori nika mbupai ambu furani ka si du nga ani sa berãrani na ki biratirani ti agu apai ani amangihe na kini mangi ome ka sa ngbarago tiko.—Amokedi 3:19.