Rukutu Kekeapai Bandu Waraga Yo

a Wakina gu bake apapara Atambuahe nangia Davide, ani dunduko naima kpinyemu Yekova na kini kpinyemu kaa tambua ko. Ani na kparakpara momu berani ka yugo gaani nyemuse tipa Mbori ho ani akaragapai ni ba adunguratise yo. Ono tie, agu akura rani kinaho du he furani ni kpakarakpakaraha tipa ka fu karagapai ba adunguratise yo. Ka si du nga si ni kpakarakpakaraha foro ka fu karagapai ba adunguratise yo, gi kekeapai re nika undo ro mo ini ndu gupai mo agunde ti ni na wai rengbe mo ka diabe gu gunde re.