Rukutu Kekeapai Bandu Waraga Yo

a Yekova ima fu bawene maabangirise furani tipa kumbatayo. Gu maabangirise re nangarasa rani na si naundo rani ka ani moingo berãrani kina kuti agu akpakarapai ani agbiatirani na ni awere ya. Si nafu ome furani ani naandu kindi kumbatayo kaa iriso Yekova ka ani vura kaa gbiatirani na kina gini apai vurũ. Na si rengbe ka undo rani ti du ani na iraira aberãpai nga gu rengbe ka gbarasa gaani aberã. A wa ani nika wirikaha rogo gi kekeapai re, agere nga gu wene nduapai dunduko duho tipa ani banda gaani maabangirise nga ga aKristano si du ni nyanyakihe.