Yekova Nga Gaani Bagbuko

1. Yekova nga bagbuko,

Gaani Mbori nga ko.

Kirimo ko ma ngba gbe;

Aʼnaraka rogo.

Ko sovura tipa rani,

Ani kido kutiko gbe.

Yekova nga bagbuko,

Nabanda ruru aboro.

2. Akutu yo atiwa

Atiwa patiro,

Mo ara ro zereda,

Dagba gu ruruyo.

Ka mo kiongo be gunde ya;

Wa kerepai du naye ya.

Yekova abanda ro,

Mo api tii pupo ko yo.

3. Yekova abanda ro

Be kere agbina,

Be gunde ro bitimo,

Na be bundu yuru.

Mo ata rogo aba dũ,

Gunde ki go kusayo dũ.

Yekova nga bagbuko,

Nabanda rani ngba gene.