Profecía 4. Buñ ma diti ronladx xfamil
«Portín buñgudxlio sacyibu buñ [...] ni diti nap galrronladx» (2 TIMOTEO 3:1-3).
● Chris ni nac de gudx Gales ronybu dxiin ro racnéyibu buñ ni radíil lainy xfamil. Láabu nábu: «Toib dzú bieed toib buñgonaʼ ni gocnaagoluʼ né ma diti bimbuya chú láabu. Stipnés buñgonaʼ ni rieed ronoʼdo nigolú ma gocnayibu por ngú ma diti naní xcalrrienyibu nili par guibiʼyibu lóo buñ».
¿XÍ RADUDY DIITZ DATOS REʼ? Toib gudx ni noʼ África, midid treinta por ciento de buñgonaʼ bixin buñ layibu dzú gocyibu mbioxien. Toib encuesta bisetlaa que lainy gudxcu xidal buñguieeu goniʼ que labúu quinyibu tzeʼelyibu. Per diti nosi buñguieeu ronynaa tzeʼel, gudx Canadá láaca buñgonaʼ ronynaa tzeʼel.
BUÑ DITI RONY CRER. Guirá ór buñguieeu o buñgonaʼ raguin tzeʼel, per ni nacni la, nigoreʼ buñ más raniʼ de láani.
¿LABÚU GUININO QUE SCÚ NACNI LA? Buñ más raniʼ de láani que ló dzú ni see, per ¿ma gocnéni par diti gac xiroʼni la? Yaca. Nigoreʼ famil diti ronladx saʼ.
¿XÍ RONYLO PENSARY? ¿Cayac cumplir 2 Timoteo 3:1-3 la? ¿Xidal buñ ma diti ronladx xfamil la?
Ni rasaʼ gáay profecías ni cabiʼno cayac cumplir, radzakni né Gudxlio ro rabésno. Guienno ni ná la Biblia.
[Comentario]
«Órni toib buñguieeu ronynaa tzeʼel, buñgonaʼ diti nimaca raniʼ. Toib buñgonaʼ rony guantary treinta y cinco galnaa órcu rieebu rayopybu policia» (TOIB BUÑ NI NAC DE GUDX GALES NI RONY DXIIN RO RACNÉBU BUÑ NI RADÍIL LAINY XFAMIL).