Toib galrrascú ni buny que Dios diti ñoʼ laa

NI NÁ BUÑ

«Diti ma bidxinno toib acuerdo pal noʼ laa Dios, né pal ñacni scú diti ñanno ximodpa laabu» (Profesor David Cunningham, ló libro ni bicaʼbu Theological Studies).

NI NÁ LA BIBLIA

Dios goniʼ ndeʼ: «Naʼ ngú Jehová. Nga laaya» (Isaías 42:8). Jehová nac toib laa hebreo ni radudy diitz, «Naʼ Gaca nitisi nainy naʼ gaca» (Génesis 2:​4, nota).

Jehová raniiny guiquiinno laabu. La Biblia ná: «Colguiniʼ laabu. Colguiniʼ lad gudx guirá ni ronybu. Colgony xiroʼ laabu» (Isaías 12:4).

Jesús biquiin laa Dios né bisuidybu láani xpiimbu. Scú láani, toibtica buelt goninébu bixiosbu né goniʼbu: «Naʼ ma bisudi laalo layibu». ¿Xigony bunybu láani? Láabu nábu: «Modreʼ galnadxiʼ ni naplo naʼ tzoʼ né layibu, né naʼ tzoʼya toibsi né layibu» (Juan 17:26).

¿XIGONY RAQUIIN GANLO LÁANI?

Toib teólogo ni laa Walter Lowrie bicaʼbu ndeʼ: «Toib buñ ni diti nan laa Dios diti rimbutzaaybu Dios [...] né diti labúu gandxiʼbu Dios pal ronybu pensary que Dios diti noʼ xi rasac Dios por láabu».

Toib buñguieeu ni laa Victor guirá xomal goyeebu guidaʼ, per diti gonbu xitcal de Dios. Láabu nábu: «Órni goona que laa Dios ngú Jehová, órcu goona chú ngú Dios. Órcu bimbuya Dios ni guirá ór bicadiaga. Goona que noʼ Dios né bidxin gócbu ximiga».

Jehová, rabigaxbu buñ ni rony pensary ló laabu né radudybu xtiitzbu gonybu ndeʼ: «Sonladxi lóoto xomod toib buñ ronladx xiin ni rasob láabu» (Malaquías 3:​16, 17). Dios radudy xilaay a guirá buñ ni raquiin laabu. La Biblia ná: «Guirá ni rasetlaa laa Jehová salaa» (Romanos 10:13).